लोकसत्ता प्रतिनिधी

पुणे : अवकाळीचे ढग विरून गेल्यामुळे आकाश निरभ्र झाले आहे. राजस्थान, गुजरातवरून उष्ण वारे येत आहेत. अरबी समुद्रावरून आद्रर्तायुक्त उष्ण वारे किनारपट्टीच्या दिशेने येत आहेत. त्यामुळे मध्य महाराष्ट्र, विदर्भ आणि मुंबईसह किनारपट्टीवर सोमवारी कमाल तापमानात सरासरी दोन ते तीन अंश सेल्सिअसने वाढ झाली. सोमवारी राज्यात कमाल तापमान सरासरी ३८ ते ४० अंशांच्या दरम्यान राहिले. मालेगावसह आठ ठिकाणी कमाल पाऱ्याने चाळीशी ओलांडली होती. पुढील दोन-तीन दिवस उष्णतेच्या झळा कायम राहणार असून, आज, मंगळवारी मुंबईसह किनारपट्टीला उष्णतेच्या लाटेचा इशारा देण्यात आला आहे.

flamingo, bird, habitat,
विश्लेषण : फ्लेमिंगोंचा अधिवास व भ्रमणमार्ग धोक्यात का? फ्लेमिंगोंसाठी मुंबई, ठाणे, नवी मुंबई किती सुरक्षित?
no cyclone warning in Mumbai forecast by Meteorological Department
चक्रीवादळाचा मुंबईत इशारा नाही- हवामान विभाग
konkan Olive ridley sea turtle marathi news
वाढत्या तापमानाचा कोकणातील कासव संवर्धन मोहिमेला फटका; उष्णतेमुळे ३० टक्के अंडी खराब, कासवांची संख्येत घट
leopard in Nagpur city fear among citizens
सावधान ! उपराजधानीत वाढला बिबट्याचा वावर
summer rain in north east india marathi news, summer monsoon rainfall marathi news
विश्लेषण: ईशान्य भारतात पावसाळ्यापेक्षाही उन्हाळ्यात पाऊस अधिक का होतो?
fishermen from palghar gujarat arrested for fishing in pakistan s
पालघर, गुजरातमधील मच्छीमार पाकिस्तानच्या सागरी हद्दीत का जातात? पाकिस्तानी कैदेतून सुटका होण्यास विलंब का होतो?
Rain Forecast, rain in summer, rain in vidarbh, rain marathwada, unseasonal rain, weather forecast, rain in maharshtra, rain news, marathi news, vidarbh news, Marathwada news
उष्णतेच्या लाटेनंतर सोमवारपासून नवे संकट
Rising Temperatures, Heat Wave, Heat Wave in maharashtra, Health System on Alert, summer, summer news, summer 2024, summer in Maharashtra, imd, marath news, temperature news,
शनिवार, रविवार राज्यात उष्णतेच्या लाटेचा इशारा

हवामान विभागाने दिलेल्या माहितीनुसार, ढगाळ हवामान विरून गेल्यामुळे राज्यभरात आकाश निरभ्र आहे. राजस्थान, गुजरातवरून उष्ण वारे किनारपट्टीवर येत आहे. तसेच अरबी समुद्रातून आद्रर्तायुक्त वारे किनारपट्टीवर येत असल्यामुळे सोमवारी मुंबईसह ठाणे, पालघर, रायगडच्या किनारपट्टीवर कमाल तापमानात वाढ झाली होती. रविवारच्या कमाल तापमानाच्या तुलनेत सोमवारी सांताक्रुज येथे सर्वाधिक ४.८ अंश सेल्सिअसने वाढ होऊन कमाल तापमान ३७.९ अशांवर गेले होते. कुलाब्यात ३४.७, हर्णेत ३१.२, डहाणूत ३५.६, अलिबागमध्ये ३२.६ आणि रत्नागिरीत ४३.२ अंश सेल्सिअस कमाल तापमानाची नोंद झाली आहे. हवामान विभागाने मुंबईसह ठाणे, पालघर आणि रायगडमध्ये आज, मंगळवारी उष्णतेच्या लाटेचा इशारा दिला आहे.

आणखी वाचा-महाराष्ट्राच्या ‘ई-पीक पाहणी’ प्रकल्पाची केंद्राला भुरळ

राज्यात सोमवारी मालेगाव येथे सर्वाधिक ४२.६ अंश सेल्सिअस इतक्या कमाल तापमानाची नोंद झाली आहे. मालेगावसह नगर, जळगाव, नाशिक, पुणे, सातारा, सोलापू, अकोला, चंद्रपूर आणि वाशिम येथे कमाल तापमान ४०.० अंशांच्या वर राहिले.

विदर्भात कमाल तापमान सरासरी ३९.० अंशांवर राहिले. रविवारच्या तुलनेत कमाल तापमानात सरासरी २.० अशांनी वाढ झाली आहे. विदर्भात अकोला, चंद्रपूर आणि वाशिममध्ये पारा चाळीशीच्या वर होता. मराठवाड्यात कमाल तापमान सरासरी ३८.० अंशांवर राहिले. राज्यभरात ढगाळ हवामान कमी होऊन आकाश निरभ्र झाल्यामुळे पुढील दोन-तीन दिवस कमाल तापमानात वाढीचा कल कायम राहण्याचा अंदाज आहे.