scorecardresearch

Premium

पिंपरी- चिंचवड पोलीस मुख्यालयाला जागा देऊ नका; देहू विश्वस्थांची मागणी..बेमुदत उपोषण सुरू

देहू संस्थानच्या विश्वस्तांनी देहूच्या हक्काच्या गायरानासाठी बेमुदत उपोषणाची हाक दिली आहे.

dehu trust, pimpri chinchwad police headquarter in dehu, people oppose to give land for police headquarter
पिंपरी- चिंचवड पोलीस मुख्यालयाला जागा देऊ नका; देहू विश्वस्थांची मागणी..बेमुदत उपोषण सुरू! (छायाचित्र – लोकसत्ता टीम)

देहू : देहू संस्थानच्या विश्वस्तांनी देहूच्या हक्काच्या गायरानासाठी बेमुदत उपोषणाची हाक दिली आहे. देहूच्या दीडशे एकर गायराना पैकी ५० एकर गायरान हे पिंपरी- चिंचवड पोलीस आयुक्तालयाच्या मुख्यालयाला देण्याच्या हालचाली सरकारकडून सुरु आहेत. याला देहूकरांचा विरोध असून हे गायरान देहूकरांच्या हक्काचं आहे, गायरानाला वारकरी भवनासह इतर वास्तू उभारण्यासाठी आणि दिंडी विसाव्यासाठी आरक्षित करावं, अशी मागणी देहूच्या विश्वस्तांनी केली आहे. जोपर्यंत सरकार आमच्या बेमुदत उपोषणाची दखल घेत नाहीत, तोपर्यंत आम्ही उपोषण करण्यावर ठाम असल्याची भूमिका देहू संस्थानच्या विश्वस्तांनी मांडली आहे. ‘गायरान वाचवा…गाव वाचवा’ असे म्हणत त्यांनी जगद्गुरू संत तुकाराम महाराजांच्या मंदिराच्या प्रवेश द्वारासमोरच बेमुदत उपोषण सुरू केले आहे.

हेही वाचा : पिंपरी-चिंचवड मधील प्रदूषण घटले, धुलिकणांचे प्रमाण किती?

central government, Processing and storage centers, agricultural product, JNPA
जेएनपीएमध्ये शेतकऱ्यांच्या निर्यात कृषीमालासाठी केंद्र उभारणार
bribe for Aryan Khan release
आर्यन खानच्या सुटकेसाठी लाच मागितल्याचा आरोप : समीर वानखडेंविरोधातील आर्थिक गैरव्यवहाराचे प्रकरण दिल्ली मुख्यालयाकडे वर्ग
Hearing in the case of Gyanvapi Masjid today
ज्ञानवापी मशीद प्रकरणी आजही सुनावणी
Apathy in water shortage crisis public representatives and officials absent for review meeting
पाणी टंचाईच्या सावटात अनास्था; आढावा बैठकीकडे लोकप्रतिनिधी, अधिकाऱ्यांची पाठ

देहू संस्थानचे विश्वस्त माणिक महाराज मोरे म्हणाले, वर्षातून पाच मोठ्या यात्रा देहूत होतात. आषाढी वारीच्या पालखी प्रस्थानावेळी लाखो भाविक देहूत दाखल होतात, चारशे दिंड्या असतात. आमची २००१ पासून मागणी आहे, की गायरान आम्हाला द्या. तेव्हा ५० एकर जागेची मागणी आहे. आता शंभर एकर जागा द्यावी ही मागणी आहे. वारकरी भवन, निवासस्थान, अतिथी भवन, संत विद्यापीठ, गोशाळा आणि पालखी तळासाठी गायरानची जागा हवी आहे. या मागणीची शासनाने ताबडतोब दखल घ्यावी. आमचं हे आंदोलन शांततेच्या मार्गाने सुरू राहील. लवकरात लवकर प्रशासनाने हा प्रश्न मार्गी लावावा. गायरानची जागा देहूकरांनाच द्यावी. अशी मागणी देहू संस्थानकडून करण्यात आली आहे.

Latest Comment
View All Comments
Post Comment

Pune News (पुणे न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: In dehu people oppose to give land for pimpri chinchwad police headquarter hunger strike starts in dehu kjp 91 css

First published on: 29-11-2023 at 15:27 IST

आजचा ई-पेपर : पुणे

वाचा
epaper image

संबंधित बातम्या

तुम्ही या बातम्या वाचल्या आहेत का? ×