पिंपरी : प्रवासी महिलेचा विनयभंग करणारा ओला कॅबचालक अखेर गजाआड

फिर्यादी महिलेला कोरेगाव पार्कला मित्राच्या वाढदिवसाच्या कार्यक्रमाकरिता जायचे होते. त्यासाठी त्यांनी आरोपी राहुल याची एम.एच १४ एल.बी ४१३३ या क्रमांकाची कॅब बुक केली. राहुल याने कॅब कोरेगाव पार्कच्या दिशेने नेली नाही. उलट दिशेने देहूरोड पोलीस ठाण्याच्या हद्दीत आणली.

हेही वाचा…‘तो’ परीक्षेत लिहितो चक्क पायाने…

फिर्यादी महिलेच्या एकटेपणाचा फायदा घेऊन मोटारीतच विनयभंग केला. गुन्हा दाखल झाल्यापासून आरोपी राहुल हा ओळख लपवून वावरत होता. संपूर्ण पत्ता माहिती नसताना देहूरोड पोलिसांनी आरोपी राहुल याला अटक केली. गुन्ह्यातील कॅब जप्त करण्यात आली आहे. देहूरोड पोलीस तपास करीत आहेत.