पुणे : राष्ट्रवादी काँग्रेस पक्षाचे नेते आमदार रोहित पवार यांना ईडीकडून नोटीस आल्यानंतर खासदार सुप्रिया सुळे या रोहित पवारांना ईडी कार्यालयापर्यंत सोडण्यास गेल्या होत्या. रोहित पवार यांना जाणीवपूर्वक त्रास दिला जात आहे, असे आरोप प्रत्यारोप या प्रकरणावरून होण्यास सुरुवात झाली आहे. त्याबाबत अजित पवार यांना विचारले असता ते म्हणाले की, कोणी काय आरोप करावे हा ज्याचा त्याचा अधिकार आहे. चौकशी करण्याचे अधिकार असतात, ते बोलवतात आणि त्यांच्या प्रश्नांना उत्तर द्यायचे असतात. माझी पण ५ तास चौकशी झाली होती. ते मला चांगलं आठवत आहे. माझ्याकडे पण इन्कम टॅक्सचे लोकं आले होते. पण आम्ही एवढा प्रोपेगंडा करत नाही.

हेही वाचा : गुंड गजानन मारणे, पार्थ पवार भेटीवर अजित पवार म्हणाले, “अतिशय चुकीची…”

Devendra Fadnavis On Praful Patel Statement
“शरद पवार भाजपाबरोबर येण्यास ५० टक्के अनुकूल होते”; प्रफुल्ल पटेलांच्या दाव्यावर देवेंद्र फडणवीसांची प्रतिक्रिया; म्हणाले, “हे सत्य…”
supriya sule ajit pawar
“साहेबांना आणि मुलीला निवडून दिलं, आता सुनेला निवडून द्या”, अजित पवारांच्या आवाहनावर सुप्रिया सुळेंची एका वाक्यात प्रतिक्रिया, म्हणाल्या…
Shrikant Shinde
कल्याणमधून उमेदवारी जाहीर झाल्यानंतर श्रीकांत शिंदेंची पहिली प्रतिक्रिया; भाजपा कार्यकर्त्यांवरही टीका, म्हणाले…
Sharad Pawar Wardha tour
वर्धा : शरद पवार यांच्याकडे काँग्रेस नेत्यांच्या तक्रारी, पवार म्हणाले…

अजित पवार पुढे म्हणाले, आम्ही लोकांना गोळा करत नाही. तसेच आम्ही त्याचा इव्हेंट करीत नाही. आजपर्यंत किती तरी लोकांना त्यांनी (ईडी कार्यालयाने) बोलवले आहे आणि त्यांच्या प्रश्नांना उत्तर देऊन येतात. त्यामुळे कोणी काय करावे हा ज्याचा त्याचा प्रश्न आहे. तसेच चौकशीसाठी कोणी कुठे हजर रहायचे, हा ज्याचा त्याचा प्रश्न आहे, अशा शब्दांत अजित पवार यांनी सुप्रिया सुळे आणि रोहित पवार यांना टोला लगावला.