“अजितदादांचा एवढा दरारा आहे तर त्यांनी…”, अमोल कोल्हेंचं अजित पवारांना आव्हान

“मी सामान्य कुटुंबातील असून त्यांना (अजित पवारांना) काउंटर करणे मला योग्य वाटत नाही. माझ्या विजयात प्रत्येक कार्यकर्त्याचा वाटा होता. त्यांनी भूमिका का बदलली, मला माहित नाही. मी आहे त्याच ठिकाणी आहे. खासगीतील चर्चा सार्वजनिक करणं योग्य नाही. दादांचा एवढा दरारा आहे तर त्यांनी केंद्र सरकारला बोलावं आणि कांदा निर्यात बंदी उठवावी”, असा टोला देखील अमोल कोल्हे यांनी अजित पवारांना लगावला आहे.

हेही वाचा : येरवड्यात भररस्त्यात एकाने पेटवून घेतले; गृहमंत्री देवेंद्र फडणवीस यांच्या दौऱ्याच्या बंदोबस्तातील पोलीस मदतीसाठी धावले

“तत्वांबरोबर राहणं योग्य आहे. मी माझ्या पक्षासोबत आहे. मी कुठे गेलो आहे? आमदारांनी कोण कोणत्या कारणांमुळे भूमिका बदलली, हे येणाऱ्या भविष्यात समजेल. माझा ना कारखाना आहे, ना कंपन्या आहेत, ना माझ्यावर चौकशी आहे. दादांनी काल एका चित्रपटाचं उल्लेख केला. त्या चित्रपटातील संवादाबाबत बोलायचे झाल्यास, शिवाजी महाराजांना दख्खनची सुभेदारी द्यावी असे दिल्लीपतीच्या मनात होते. दख्खनची सुभेदारी ही स्वराज्याच्या कैक पट होती, मात्र तेव्हा सुभेदारी स्वीकारली नाही आणि तत्वांशी महाराजांनी तडजोड केली नाही”, असेही अमोल कोल्हे यांनी म्हटले आहे.