पिंपरी : पिंपरी डेअरी फार्म येथे रेल्वे उड्डाणपूल उभारण्यासाठी पिंपरी-चिंचवड महापालिकेच्या वतीने संरक्षण विभागाच्या जागेवरील १४२ झाडे ताेडण्यात येणार आहेत. या झाडांच्या बदल्यात संरक्षण विभागाला नऊ लाख रुपये देण्यात येणार आहेत.

पिंपरी-चिंचवड महापालिकेमार्फत पिंपरी डेअरी फार्म येथे रेल्वे फाटकाच्या ठिकाणी उड्डाणपूल बांधण्यास सुरुवात केली आहे. या पुलामुळे पुणे मुंबई रस्त्याकडून पिंपरीगावात जाण्यासाठी अस्तित्वात असणारे मुंबई पुणे रेल्वे मार्गावरील रेल्वे फाटक बंद होऊन नागरिकांच्या प्रवासाच्या वेळेत, इंधनात बचत होणार आहे. रेल्वे उड्डाणपूल हा संरक्षण खात्याच्या अखत्यारीत असलेल्या जागेवर करावा लागत आहे. संरक्षण खात्याची जागा महापालिकेस हस्तांतरित करणे तसेच त्यांच्याकडून ना-हरकत प्रमाणपत्र घेण्यात आले आहे.

flamingo, Solar lights, Navi Mumbai ,
फ्लेमिंगो क्षेत्रात सौरदिवे! पर्यावरणवाद्यांच्या तक्रारींनंतर नवी मुंबई महापालिकेची धावाधाव
Slum cleaning contract
झोपडपट्टी स्वच्छता कंत्राट : चौथ्यांदा मुदतवाढीची नामुष्की, १५ एप्रिलला न्यायालयात सुनावणी
dombivli ganesh nagar marathi news
डोंबिवलीतील गणेशनगरमधील रस्ता काँक्रीटीकरणासाठी बंद, नवापाड्यात जाण्यासाठी प्रवाशांचा वळसा घेऊन प्रवास
houses in Worli BDD
वरळी बीडीडीतील अंदाजे ५५० घरांचा ताबा वर्षाखेरीस, ३३ पैकी १२ इमारतींची कामे सुरु

हेही वाचा – लोकजागर : पाणीकपात करा…

हेही वाचा – पिंपरी : महापालिकेत ५६ तरुणांना नोकरी मिळाली; पण ते कामावर रुजू होईनात… काय आहे कारण?

या पुलासाठी २४ हजार ११९.२६ चाैरस मीटर क्षेत्र महापालिकेस हस्तांतरित करण्यात आले आहे. याबाबतचा पिंपरी-चिंचवड महापालिका व भारत सरकारच्या संरक्षण मंत्रालय यांच्यामध्ये करार झाला आहे. पुलाला अडथळा ठरणारी झाडे ताेडण्यासाठी वृक्ष प्राधिकरण समितीची मान्यता घेण्यात आली आहे. या १४२ झाडांचे पुण्याचे वनपरिक्षेत्र अधिकारी यांच्याकडून मुल्यांकन ठरवून घेण्यात आले आहे. त्यानुसार संरक्षण विभागाने महापालिकेकडे ८ लाख ९४ हजार ९२२ रुपयांची मागणी केली आहे. त्यामुळे हे पैसे अदा करण्यास स्थायी समितीने मान्यता दिली आहे.