Premium

पिंपरी : पवना पाणीपुरवठा योजना ११ वर्षांनंतरही ठप्पच; भाजप-राष्ट्रवादीच्या कुरघोडीच्या राजकारणाचा खोडा?

…तेव्हापासून आजपर्यंत या विषयावरून बऱ्याच नाट्यमय घडामोडी झाल्या.

Pavana Dam
(संग्रहीत छायाचित्र)

मोठा गाजावाजा करत पिंपरी महापालिकेने सुरू केलेल्या पवना बंदनळ योजनेचे काम ११ वर्षांनंतरही ठप्पच आहे. ९ ऑगस्ट २०११ रोजी पोलिसांनी आंदोलक शेतकऱ्यांवर केलेल्या गोळीबाराच्या घटनेनंतर तत्कालिन मुख्यमंत्र्यांच्या आदेशाने हे काम तडकाफडकी बंद करण्यात आले. तेव्हापासून आजपर्यंत या विषयावरून बऱ्याच नाट्यमय घडामोडी झाल्या. मात्र, मावळातील शेतकऱ्यांचा विरोध कायम असल्याने या प्रकल्पाचे काम पुन्हा सुरू होऊ शकले नाही. या योजनेसाठी पिंपरी पालिकेने सातत्याने पाठपुरावा केला. मात्र, त्यांचे प्रयत्न अपुरे पडल्याचे दिसून येते.

या बातमीसह सर्व प्रीमियम कंटेंट वाचण्यासाठी साइन-इन करा

पवना धरण ते निगडीतील जलशुद्धीकरण केंद्रापर्यंत थेट जलवाहिनीद्वारे पाणी आणण्याच्या या प्रकल्पाचे काम पिंपरी पालिकेने २००८ पूर्वीच हाती घेतले. मात्र, विविध मुद्दे उपस्थित करून मावळातील शेतकऱ्यांनी सुरुवातीपासून पवना धरणातून पाणी उचलण्यास विरोध केला. हा विरोध व्यक्त करण्यासाठी स्थानिक पातळीवर बऱ्याच घडामोडी होत होत्या. हळूहळू तापत गेलेल्या वातावरणात ९ ऑगस्ट २०११ रोजी या प्रकल्पाविरोधात शेतकऱ्यांनी बऊर येथे आंदोलन केले. तेव्हा पोलिसांनी आंदोलकांवर गोळीबार केला, त्यात तीन शेतकऱ्यांचा मृत्यू झाला. या घटनेने राज्यात खळबळ उडाली, देशभरात पडसाद उमटले. गोळीबाराच्या घटनेनंतर तत्कालिन मुख्यमंत्री पृथ्वीराज चव्हाण यांनी प्रकल्पाचे काम तत्काळ बंद करण्याचे आदेश दिले. गोळीबाराच्या घटनेपासून या विषयात सुरू झालेले राजकारण ११ वर्षांनंतरही सुरूच आहे. त्याचा परिणाम म्हणजे, ऑगस्ट २०२२ पर्यंतही या पाणीयोजनेचे काम ठप्पच आहे.

Pune News (पुणे न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: Pimpri pavana water supply scheme still stalled after 11 years the prank of bjp nationalist politics pune print news msr

First published on: 09-08-2022 at 09:44 IST

आजचा ई-पेपर : पुणे

वाचा