पुणे महानगरपालिका स्थायी समितीच्या अध्यक्षपदी बाळासाहेब बोडके

पुणे महानगरपालिकेतील स्थायी समितीच्या अध्यक्षपदाच्या निवडणुकीत शनिवारी राष्ट्रवादी काँग्रेसचे बाळासाहेब बोडके विजयी झाले. त्यांनी काँग्रेसच्या अविनाश बागवे आणि भाजपच्या राजेंद्र शिळीमकर यांचा पराभव केला. या निवडणुकीतील राष्ट्रवादी काँग्रेस आणि मनसे आघाडीचा ‘नाशिक पॅटर्न’ चांगलाच चर्चेचा विषय ठरला होता. मनसेने या पदासाठी मंगळवारी उमेदवारी अर्ज दाखल न करता यासाठीचे पहिले पाऊल उचलले होते. दरम्यान, विधान परिषदेची पुण्यातील जागा टिकविण्यासाठी राष्ट्रवादीला काँग्रेसला साथ द्यावी लागणार अशीदेखील चर्चा होती. मात्र, या निकालाने ही आशा मोडीत काढली.