पुणे : राज्याच्या नोंदणी आणि मुद्रांक शुल्क विभागाने वार्षिक बाजारमूल्य दरात (रेडीरेकनर) यंदा कोणत्याही प्रकारची वाढ किंवा घट केलेली नाही. त्यामुळे गेल्या वर्षीचेच दर सन २०२३-२४ या वर्षाला लागू असणार आहेत. यंदा रेडीरेकनर दर जैसे थे ठेवण्यात आले असले, तरी नेहमीप्रमाणे शहरातील कोरेगाव पार्क भागाने सर्वाधिक दर असण्याची परंपरा कायम राखली आहे. मेट्रो प्रकल्पामुळे विष्णुशास्त्री चिपळूणकर (विधी महाविद्यालय) रस्त्यालगत असलेल्या कांचनगल्ली, अशोकपथ परिसर हा भाग दुसऱ्या क्रमांकावर आहे. तिसऱ्या क्रमांकावर प्रभात रस्त्यावरील काशिनाथ शास्त्री अभ्यंकर रस्ता (गल्ली क्रमांक १५) आहे. वनाज ते गरवारे महाविद्यालय या मेट्रो मार्गावरील पौडरस्ता आणि कर्वे रस्ता या परिसरातील दर तेजीत आहेत. हेही वाचा. पुणे: सिंबायोसिस आंतराराष्ट्रीय विद्यापीठात डॉ. बाबासाहेब आंबेडकर अध्यासन कोरेगाव पार्क आणि प्रभात रस्ता या परिसरातील दर हे नेहमी रेडीरेकनरच्या दरात आघाडीवर असतात. कोरेगाव पार्कमधील रेल्वे ओलांडणी पूल (ओव्हर ब्रीज) ते बंडगार्डन पूल हा भाग दरामध्ये पहिल्या स्थानावर असतो. या भागातील दर प्रति चौरस फूट १६ हजार ३९ रुपये आहेत. वनाज ते गरवारे महाविद्यालय या मार्गात मेट्रो धावू लागल्याने या मार्गालगत असलेल्या प्रभाग रस्ता, विधि महाविद्यालय रस्त्यांबरोबरच कर्वे रस्ता आणि पौड रस्त्यावरील दर चढे आहेत. विधि महाविद्यालय रस्त्यालगत असलेल्या कांचनगल्ली, अशोकपथ परिसरात दर हे १५ हजार २८८ रुपये प्रति चौरस फूट आहेत. तिसऱ्या क्रमांकावर असलेल्या प्रभात रस्त्यावरील काशिनाथ शास्त्री अभ्यंकर रस्ता (गल्ली क्रमांक १५) या भागातील दर १४ हजार ३१२ रुपये प्रति चौरस फूट आहेत. आयकर रस्त्यावरील दर १३ हजार ७१८ रुपये प्रति चौरस फूट आहेत. हेही वाचा. पुणे महापालिकेच्या हद्दीतून फुरसुंगी- उरळी देवाची गावे वगळली, नगरपरिषदेची स्थापना; राज्य सरकारचा अध्यादेश मेट्रो सुरू झालेल्या कर्वे रस्त्यावरील रेडीरेकनरचे दर चढे आहेत. या ठिकाणचे दर प्रति चौरस फूट १३ हजार ८३५ रुपये आहेत. पौड रस्त्यावरील दर ११ हजार ४८५ रुपये आहेत. तसेच कर्वे रस्त्यावरील एसएनडीटी ते गरवारे महाविद्यालयापर्यंतचे दर १२ हजार ८३० रुपये आहेत. शहरातील प्रमुख भागांमधील रेडीरेकनर दर परिसर दर (प्रति चौरस फूट)बाणेर ११,३०१कात्रज ६४२०कोथरुड११,४८५पर्वती ११,२३०सिंहगड रस्ता ६६०९बालेवाडी९३३०वडगाव खुर्द ७५०८वडगाव बुद्रुक ६०७४वारजे ७३४०बिबवेवाडी ८०५२पाषाण ९०४१आंबेगाव खुर्द ५१६६उंड्री ६४०९आंबेगाव बुद्रुक ५९३१शिवणे ४३६०हडपसर७७६७हिंगणे खुर्द६८६९धनकवडी ५५०० मध्यवर्ती पेठांतील दर (प्रति चौरस फूट) परिसर दर (प्रति चौरस फूट)कसबा पेठ ६७२०शुक्रवार पेठ ७५७०सदाशिव पेठ/नवी पेठ ९०५२सोमवार पेठ ७६५३बुधवार पेठ ८५६५मंगळवार पेठ ८१६९रविवार पेठ ६०५५रास्ता पेठ ६६१८गुरुवार पेठ ७०२७गंजपेठ ६०६६नाना पेठ ६०८६नारायण पेठ ८२६३शनिवार पेठ ८७४४
