बीएमसीसी माजी विद्यार्थी संघटनेच्या मानद अध्यक्षपदी शरद पवार

संघटनेच्या सरचिटणीसपदी युवराज शहा, खजिनदारपदी राजेंद्र मराठे, सहसचिवपदी किशोर लोहकरे आणि सामांतिनी तोडकर यांची, तर मानद सल्लागार म्हणून प्रा. व्ही. ए. जोशी, प्रा. प्रकाश भोंडे आणि लीला माळी यांची नेमणूक करण्यात आली.

माजी विद्यार्थी संघटनेच्या नुकत्याच झालेल्या वार्षिक सर्वसाधारण सभेत २०१७ ते २०२२ या कालावधीसाठी नवीन कार्यकारिणी जाहीर करण्यात आली.

लीला माळी यांनी निवडणूक निर्णय अधिकारी म्हणून काम पाहिले. उत्तर प्रदेशचे राज्यपाल राम नाईक, सिरम इन्स्टिटय़ूटचे सायरस पूनावाला, प्रसिद्ध अभिनेते मोहन जोशी, व्हिडीओकॉनचे धूत बंधू, विठ्ठल मणियार असे विविध क्षेत्रातील मान्यवर महाविद्यालयाचे माजी विद्यार्थी आहेत. आगामी वर्ष हे संघटनेचे अमृतमहोत्सवी वर्ष असून वर्षभरातील विविध कार्यक्रम आणि उपक्रमांसाठी प्रमुख म्हणून सचिन नाईक यांची नेमणूक करण्यात आली आहे.