लोकसत्ता प्रतिनिधी
पुणे: माहेरी आलेल्या विवाहित बहिणीला ताप आल्यानंतर भावाने तिला रुग्णालयात दाखल केले. वैद्यकीय तपासणीत ती गर्भवती असल्याचे उघड झाले. डॉक्टरांनी तिची चौकशी केली. तेव्हा युवती अल्पवयीन असल्याचे उघडकीस आले. युवतीचा बालविवाह झाल्याचे निदर्शनास आल्यानंतर तिचा विवाह लावून देणाऱ्या आई-वडिलांसह पतीच्या विरुद्ध सातारा परिसरातील पोलीस ठाण्यात गुन्हा दाखल करण्यात आला. संबंधित गुन्हा तपासासाठी पुणे पोलिसांकडे वर्ग करण्यात आला आहे.
आणखी वाचा- अवकाळीमुळे पिकांची नासाडी,एक लाख ३९ हजार हेक्टरवर नुकसान, २५ जिल्ह्यांना फटका
सात मार्च रोजी ती सातारा येथे माहेरी गेली होती. तिला ताप आल्याने भावाने उपचारासाठी रुग्णालयात दाखल केले. डॉक्टरांनी तिची वैद्यकीय तपासणी केली. तेव्हा युवतीचे वय १७ वर्षे असल्याचे समजले. त्यानंतर डॉक्टरांनी या घटनेची माहिती सातारा पोलिसांना दिली. त्यानंतर अल्पवयीन युवतीचा विवाह लावून देणारे आई-वडील तसेच पतीच्या विरुद्ध गुन्हा दाखल करण्यात आला.पोलीस उपनिरीक्षक बिराजदार तपास करत आहेत.
