लोकसत्ता प्रतिनिधी

पुणे: मोटारींमध्ये सीटबेल्ट बंधनकारक करण्यात आला आहे. यामुळे वाहनउत्पादक कंपन्यांनीही त्यानुसार मोटारीत उपाययोजना केल्या आहेत. मोटारीतील चालक अथवा प्रवाशांनी सीटबेल्ट परिधान न केल्यास अलार्म वाजतो. हा अलार्म रोखणाऱ्या क्लिपची ई-कॉमर्स कंपन्यांकडून सर्रास विक्री सुरू असल्याची बाब समोर आली आहे. या प्रकरणी केंद्र सरकारने पाच कंपन्यांवर कारवाईचे पाऊल उचलले आहे.

jail, company, entrepreneurs,
तुरुंगात जावे लागत असेल तर कंपनीच बंद करू, डोंबिवली एमआयडीसीतील युवा उद्योजकांची उव्दिग्नता
Digital Health Incentive Scheme why the Centre has extended the time limit
‘डिजिटल हेल्थ इन्सेटिव्ह स्कीम’ची मुदत वाढवण्यामागे केंद्र सरकारचा हेतू काय आहे?
adani group companies share surge
लोकसभेच्या निकालाआधी अदाणी समूहाचे शेअर्स वधारले; गौतम अदाणी ठरले आशियातील सर्वात श्रीमंत व्यक्ती
ESOP Tax Implications, ESOP Tax, Employee Stock Ownership Plans, Home Loan Deductions, Rent Withholding, and Advance Tax for Senior Citizen,
कर्मचारी समभाग मालकी योजना (ईसॉप) आणि करपात्रता
rbi imposes business restrictions on two edelweiss group firms
नितीन देसाई आत्महत्येप्रकरणी दोषारोप असलेल्या एडेल्वाईस समूहातील दोन कंपन्यांवर रिझर्व्ह बँकेचे निर्बंध
share market update sensex falls 220 point nifty stable below 22900
निकालाआधी नफावसुलीला प्राधान्य…; ‘सेन्सेक्स’ची २२० अंशांची पीछेहाट
Dombivli blast Company owners arrested
डोंबिवली स्फोट : कंपनीच्या मालकांना अटक; दुर्घटनेप्रकरणी अधिकाऱ्यांवरही सदोष मनुष्यवधाचा गुन्हा
Hero Electric Benling India will miss out on Fame discounts
हिरो इलेक्ट्रिक, बेनलिंग इंडिया ‘फेम’ सवलतींना मुकणार!

ग्राहक संरक्षण कायदा २०१९ चे पाच ई-कॉमर्स कंपन्यांनी उल्लंघन केल्याचा ठपका ठेवण्यात आला आहे. याबाबत केंद्रीय ग्राहक संरक्षण प्राधिकरणाने सीटबेल्ट अलार्म थांबवणाऱ्या क्लिपची विक्री करणाऱ्या ॲमेझॉन, फ्लिपकार्ट, स्नॅपडील, शॉपक्ल्यूज आणि मिशो या पाच कंपन्यांवर कारवाईचे पाऊल उचलले आहे. या क्लिपमुळे मोटारीतील व्यक्तीने सीटबेल्ट परिधान केला नाही, तरी अलार्म वाजत नाही. ह्या प्रकारे ग्राहकाचे आयुष्य आणि त्याच्या सुरक्षिततेशी कंपन्यांनी केलेली तडजोड आहे, असे प्राधिकरणाने म्हटले आहे.

हेही वाचा… तळेगाव दाभाडे : आधी पिस्तुलातून गोळ्या झाडल्या, मग कोयत्याने १८ वार केले, किशोर आवारेंची निर्घृण हत्या

प्राधिकरणाच्या मुख्य आयुक्त निधी करपे यांनी या प्रकरणी कारवाईचा आदेश दिला. रस्ते वाहतूक व महामार्ग मंत्रालयाने ग्राहक कल्याण मंत्रालयाला पाठविलेल्या पत्रातून हा सीटबेल्ट अलार्म स्टॉपर क्लिपची विक्री सुरू असल्याचा मुद्दा समोर आला होता. यानंतर प्राधिकरणाने केलेल्या तपासणीत ई-कॉमर्स कंपन्यांच्या मंचावर या क्लिपची राजरोस विक्री सुरू असल्याचे निदर्शनास आले. काही कंपन्या बॉटल ओपनर आणि सिगारेट लायटरच्या नावाखाली या क्लिपची विक्री करीत होत्या.

हेही वाचा… अबब…बॅटरी सहा हजार वर्षे टिकणार? पुण्यातील डिफेन्स इन्स्टिट्यूट ऑफ ॲडव्हान्स्ड टेक्नॉलॉजीमध्ये संशोधन

प्राधिकरणाने या सर्व ई-कॉमर्स कंपन्यांना तातडीने क्लिप त्यांच्या मंचावरून काढून टाकण्याचे निर्देश दिले. त्याचबरोबर ग्राहक आणि जनतेच्या सुरक्षिततेशी तडजोड करीत असलेले मोटारींचे भाग विकण्यास मनाई करण्यात आली. क्लिप आणि मोटारींशी निगडित इतर अवैध उपकरणांची विक्री करणाऱ्या विक्रेत्यांची यादी आणि त्यांच्यावर केलेल्या कारवाईचा तपशील सादर करण्याचे निर्देशही प्राधिकरणाने ई-कॉमर्स कंपन्यांना दिले. त्यांनी सादर केलेल्या अहवालानुसार १३ हजार ११८ कंपन्यांच्या सीटबेल्ट अलार्म स्टॉपर क्लिपची विक्री थांबवण्यात आली आहे.

सीटबेल्ट नसल्याने १६ हजार जणांचा मृत्यू

रस्ते व महामार्ग मंत्रालयाच्या माहितीनुसार, सीटबेल्ट परिधान न केल्यामुळे अपघातात २०२१ मध्ये १६ हजार जणांचा मृत्यू झाला. त्यातील आठ हजार ४३८ चालक, तर सात हजार ९५९ प्रवासी होते. याचबरोबर ३९ हजार हजार २३१ जण सीटबेल्ट परिधान न केल्यामुळे जखमी झाले आहेत. त्यातील १४ हजार ४१६ चालक आणि २२ हजार ८१८ प्रवासी आहेत.

…तर विमा संरक्षणाला मुकाल

मोटारीमध्ये सीटबेल्ट अलार्म स्टॉपर क्लिपचा वापर केल्यास ग्राहकांना अपघाती विमा संरक्षण मिळण्यात अडचणी येऊ शकतात. अशा क्लिप वापरून ग्राहकाने हलगर्जीपणा केल्याचा ठपका ठेवत विमा कंपनी विमा संरक्षण नाकारू शकते.