पुणे : राज्यात उन्हाचा पारा मार्चअखेरीस वाढण्यास सुरुवात झाली. त्यानंतर एप्रिल महिन्यात आतापर्यंत उष्णतेच्या लाटांमुळे नागरिक हैराण झाले आहेत. पुढील पाच दिवस उत्तर भारत, पूर्व किनारपट्टी आणि दक्षिण भारतात उष्णतेची लाट येण्याचा इशारा हवामान विभागाने दिला आहे. कोकण किनारपट्टीवरही पाच दिवस आर्द्रतायुक्त उष्ण तापमान राहण्याचा अंदाज आहे.

राज्यात २२ मार्चपासून पारा ४० अंशांवर आहे. एप्रिलच्या मध्यात प्रामुख्याने विदर्भ, उत्तर महाराष्ट्रात पारा ४२ आणि ४३ अंशांवर गेला होता. दि. १९ एप्रिल रोजी अकोल्यात ४४ अंश कमाल तापमानाची नोंद झाली होती. मागील चार-पाच दिवस तापमान काहीसे कमी झाले होते. आता पुन्हा तापमानात वाढ होण्याचा इशारा देण्यात आला आहे. प्रामुख्याने मध्य प्रदेश, छत्तीसगड आणि ओडिशातील तापमानवाढीचा परिणाम विदर्भ आणि मराठवाड्यात दिसून येण्याची शक्यता आहे.

Rain Forecast, rain in summer, rain in vidarbh, rain marathwada, unseasonal rain, weather forecast, rain in maharshtra, rain news, marathi news, vidarbh news, Marathwada news
उष्णतेच्या लाटेनंतर सोमवारपासून नवे संकट
DD news anchor faints during live news reading
Heatwave : उष्माघाताची बातमी देताना दूरदर्शनची अँकर स्टुडिओतच कोसळली, VIDEO व्हायरल
Woman Strips At Petrol Pump video viral
पेट्रोल पंपावर तरुणीचे लज्जास्पद कृत्य; कर्मचाऱ्यासमोर पँट काढली अन्…; Video व्हायरल
What Poonam Mahajan Said?
भाजपाने तिकिट कापल्यानंतर पूनम महाजन यांची पहिली प्रतिक्रिया, म्हणाल्या, “मी…”
heatwave yellow alert latest marathi news, maharashtra weather update marathi news
राज्यात ‘या’ भागाला उष्णतेचा ‘यलो अलर्ट’
after AstraZeneca Covaxin found side effect adverse events Bharat Biotech
कोव्हिशिल्डनंतर आता कोवॅक्सिनचे दुष्परिणामही समोर आल्याने चिंता वाढली आहे का?
Summer vacation has been announced for schools in the state When will the school start
राज्यातील शाळांना उन्हाळी सुटी जाहीर… शाळा सुरू कधी होणार? शिक्षण विभागाने दिली माहिती…
UP 10th Standard Topper Girl Prachi Nigam Facial Hair Controversy
अगं प्राची, दहावी बोर्डात पहिली आलीस पण चेहऱ्यावरचे केस काढता आले नाही? नक्की लाज कुणी सोडलीये?

हेही वाचा – ‘डॉ. कोल्हे जरा विकासाचेही बोला…’, शिवाजीराव आढळराव-पाटील यांचा टोला

हवामान विभागाने दिलेल्या माहितीनुसार, पुढील पाच दिवस प्रामुख्याने गंगा नदीचे खोरे, पश्चिम बंगाल, ओडिशा, पूर्व किनारपट्टी आणि दक्षिण भारतात उष्णतेची लाट येण्याचा इशारा हवामान विभागाने दिला आहे. पश्चिम बंगाल, ओडिशा, तेलंगणात गंभीर उष्णतेच्या लाटेचा अंदाज आहे. महाराष्ट्रात प्रामुख्याने संपूर्ण कोकण किनारपट्टीवर आर्द्रतायुक्त उष्ण वाऱ्यांमुळे तापमानात पुन्हा वाढ होण्याचा अंदाज आहे.

हवामान विभागाचे निवृत्त शास्त्रज्ञ डॉ. अनुपम कश्यपी यांनी दिलेल्या माहितीनुसार, पश्चिमी थंड वाऱ्यामुळे मार्चअखेरीस उत्तर भारतात तापमान सरासरी इतके राहिले. थंड वाऱ्याचा प्रभाव कमी होताच एप्रिलच्या सुरुवातीपासून राजस्थान, गुजरात, मध्य प्रदेश, छत्तीसगड आणि गंगा नदीच्या खोऱ्यात कमाल तापमान ३८ ते ४१ अंश सेल्सिअस दरम्यान राहिले. मागील आठवडाभर गंगा नदीचे खोरे तापत आहे. अनेक ठिकाणांना उष्णतेच्या लाटांचा सामना करावा लागला. एप्रिलच्या उर्वरित पाच-सहा दिवसांतही उष्णतेच्या लाटा येण्याचा अंदाज आहे. पश्चिम बंगाल आणि ओडिशात तापमान सरासरीपेक्षा जास्त राहण्याचा अंदाज आहे.

अवकाळी, गारपिटीचीही शक्यता

पुढील पाच दिवस राज्याच्या बहुतेक भागात तुरळक ठिकाणी मेघगर्जना, विजांचा कडकडाट आणि ताशी ३० ते ४० किमी वेगाने वाहणाऱ्या वाऱ्यासह हलक्या ते मध्यम स्वरूपाचा पाऊस पडू शकतो. पश्चिम महाराष्ट्र आणि मराठवाड्यातील काही ठिकाणी गारपीट होण्याची शक्यताही हवामान विभागाने व्यक्त केली आहे.

हेही वाचा – पुणे : ससूनमध्ये राजकारण जोमात, रुग्णसेवा कोमात! उपचार अन् औषधाविना रुग्णांचे हाल

राज्यात पारा चाळीसवर

अंशतः ढगाळ हवामान, हवेत वाढलेली आर्द्रता आणि अधूनमधून होत असलेल्या अवकाळी पावसामुळे राज्यात कमाल तापमानात दोन ते तीन अंशांनी घट झाली आहे. बुधवारी मालेगावात सर्वाधिक ४२ अंश सेल्सिअस तापमानाची नोंद झाली आहे. सोलापूरमध्ये ४१.२, बीड, ४०.१, अकोला ४०.४, अमरावती ४०, वाशिम ४०.६, तर वर्ध्यात ४०.१ अंश सेल्सिअस तापमानाची नोंद झाली आहे. राज्यात अन्य ठिकाणी पारा ४० अंशांच्या खाली राहिला. मध्य महाराष्ट्रात सरासरी ३८, किनारपट्टीवर ३२, तर मराठवाडा आणि विदर्भात पारा सरासरी ३९ अंशांवर राहिला.