“…तर मंत्र्यांना रस्त्यावर फिरू देणार नाहीत; काळे झेंडे दाखवणार”, मराठा आरक्षण समन्वय समितीच्या अध्यक्षांचा इशारा

सुभाष जावळे म्हणाले, संघर्षातून आणि त्यागातून मराठा समाजाला मिळालेले आरक्षण सर्वोच्च न्यालायने फेटाळून लावले. आरक्षण न मिळाल्याने मराठा समाजात प्रचंड असंतोष निर्माण झाला आहे. आज एल्गार परिषद झाली. यात अनेक महत्वाचे निर्णय झाले आहेत. मराठा समाजाला ओबीसींच आरक्षण नको आम्हाला स्वतंत्र आरक्षण हवं आहे. राज्यसरकार ने यावर विचार करावा, वेळ पडल्यास घटना बदलावी. त्यांना कुठलीच अडचण येणार नाही. केंद्रात आणि राज्यात त्यांचे सरकार आहे. ते पुढे म्हणाले की, संभाजी महाराज यांची जयंती होताच जिल्ह्या- जिल्ह्यातील पालकमंत्र्यांच्या घरासमोर जागरण गोंधळ घालणार आहोत. तरीही सरकारला सद्बुद्धी नाही मिळाली तर मात्र कुठल्याही मंत्र्यांना आम्ही रस्त्यावर, मतदारसंघात फिरू देणार नाहीत. त्यांना आम्ही काळे झेंडे दाखवणार. तसेच, १ जून ला आम्ही मुख्यमंत्र्यांच्या दालनासमोर उपोषणाला बसणार आहोत असा इशारा त्यांनी दिला आहे.