कोण होणार पुणे विद्यापीठाचे कुलगुरू? १८ आणि १९ मे रोजी मुलाखती

कुलगुरू पदासाठी राज्यभरातून २७ उमेदवारांची यादी जाहीर करण्यात आली असून, त्यात विद्यापीठातील ११ जणांचा समावेश आहे.

सावित्रीबाई फुले पुणे विद्यापीठ( संग्रहित छायचित्र )

पुणे : सावित्रीबाई फुले पुणे विद्यापीठाच्या कुलगुरू पदासाठी १८ आणि १९ मे रोजी मुलाखती होणार आहे. कुलगुरू पदासाठी राज्यभरातून २७ उमेदवारांची यादी जाहीर करण्यात आली असून, त्यात विद्यापीठातील ११ जणांचा समावेश आहे.

डॉ. नितीन करमळकर यांचा कुलगुरू पदाचा कार्यकाळ मे २०२२मध्ये संपल्यानंतर डॉ. बाबासाहेब आंबेडकर तंत्रशास्त्र विद्यापीठाचे कुलगुरू डॉ. कारभारी काळे यांच्याकडे अतिरिक्त कार्यभार सोपवण्यात आला. सप्टेंबरमध्ये कुलगुरू निवडीची प्रक्रिया सुरू करण्यात आली. कुलगुरू निवडीसाठी नियुक्त केलेल्या समितीने कुलगुरू पदासाठी अर्ज मागवले. अर्जांसाठी ३० मार्च ही अंतिम मुदत होती. कुलगुरू पदासाठी आलेल्या ९० अर्जांची छाननी करून २७ उमेदवारांची यादी नुकतीच प्रसिद्ध करण्यात आली. या उमेदवारांच्या मुलाखती आता १८ आणि १९ मे रोजी होणार आहेत.

हेही वाचा >>> पुणे : चांदणी चौकातील पुलाला सेनापती बापट यांचे नाव द्या; खासदार सुप्रिया सुळे यांची मागणी

सावित्रीबाई फुले पुणे विद्यापीठ राज्यातील आघाडीचे विद्यापीठ असल्याने या विद्यापीठाच्या कुलगुरू पदासाठी अनेक इच्छुक आहेत. मुलाखतीसाठी निवडलेल्या २७ उमेदवारांच्या यादीमध्ये राज्यभरातील विद्यापीठांतील कुलगुरू, विभागप्रमुख, अधिष्ठाता आदींचा समावेश आहे. तर सावित्रीबाई फुले पुणे विद्यापीठातील एकूण ११ जणांचाही यादीत समावेश आहे. त्यामुळे आता मुलाखतीची प्रक्रिया पूर्ण होऊन वर्षभराच्या कालावधीनंतर विद्यापीठाच्या पूर्णवेळ कुलगुरूंची निवड कधी जाहीर होणार याकडे लक्ष लागले आहे.

First published on: 11-05-2023 at 19:35 IST

TOPICSपुणे न्यूज Pune News विद्यापीठ University

Pune News (पुणे न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: Who will be the vice chancellor of pune university interviews on 18th and 19th may pune print news ccp 14 ysh