आषाढी एकादशी स्पेशल: उपवासाचा वरी तांदळाचा शिरा कसा बनवायचा जाणून घ्या, नोट करा सोपी रेसिपी

साहित्य :

• वरी तांदूळ – १ वाटी
• ओलं खोबरं – १/४ वाटी
• साखर – ३/४ वाटी
• साजूक तूप – १/२ वाटी
• केळं – १ गोल कापून
• वेलची पावडर – १/२ चमचा
• केशर – ६-७ काड्या
• दूध – १ वाटी,
• वेलची – २
• बदामाचे तुकडे – आवडीप्रमाणे

कृती :

• प्रथम केळ्याचे काप साजूक तुपात परतून घेऊन बाजूला ठेवा.
• पातेल्यात तूप गरम करून त्यात वेलची फोडून घाला.
• त्यावर वरी तांदूळ, बदामाचे तुकडे आणि खोबरे घालून चांगले परतून घ्या.
• त्यावर वाटीभर गरम दूध व १ वाटी गरम पाणी घालून वरी तांदूळ नीट शिजवून घ्या.
• त्यावर साखर, वेलची पावडर आणि केशर घाला.
• नीट मिक्स करून वरून तूप घाला व चांगली वाफ आणा.
• शेवटी तुपात परतलेलं केळं घालून मिक्स करा.

आणखी वाचा – रताळ्याचा कीस! आषाढी एकादशी व्रत करणार्‍यांसाठी खास उपवास स्पेशल रेसिपी!

(वरी तांदळाचा शिरा ही रेसिपी लोकसत्ता पूर्णब्रम्ह अंकातून घेतलेली आहे.)