सॅण्डविच, पास्तासाठी घरच्या घरी बनवा मार्केटसारख्या ‘चीज स्लाइस’; जाणून घ्या बनविण्याची सोप्पी पद्धत

होममेड चीज स्लाइससाठीचे साहित्य

१ लिटर दूध
५-६ चमचे लिंबाचा रस
१ चमचा सायट्रिक अॅसिड
१ चमचा बेकिंग सोडा
१ मोठा चमचा पाणी
५० ग्रॅम सॉल्टेड बटर
पुन्हा १/३ कप दूध
चवीनुसार मीठ

चीज स्लाइस बनविण्याची कृती

सर्वप्रथम एका पॅनमध्ये दूध गरम करा. यावेळी दूध चमचाच्या साह्याने सतत ढवळत राहा, तुमचे बोट तापमान सहन करू शकेल इतकेच दूध गरम करा. त्यानंतर त्यात लिंबाचा रस घाला आणि पुन्हा ढवळा. सर्व दूध फेटून दह्यासारखे झाले की, गॅस बंद करा. त्यानंतर हे मिश्रण तीन ते चार मिनिटे तसेच झाकूण ठेवा.

काही वेळाने या मिश्रणाचे पनीर तयार होते; जे नंतर एका चाळणीवर पांढरा कपडा ठेवून त्यावर काढा आणि धुऊन, त्यातील पाणी पिळून काढून टाका. त्यानंतर सोडियम सायट्रेटचे द्रावण तयार करा. त्यासाठी सायट्रिक अॅसिड एक चमचा पाण्यात चांगल्या प्रकारे विरघळवून घ्या. त्यानंतर त्यात बेकिंग सोडा टाका आणि तोही चांगल्या प्रकारे ढवळत राह. सर्व बुडबुडे कमी होऊ द्या. पुन्हा थोडा बेकिंग सोडा मिक्स करा; जोपर्यंत द्रवपदार्थ नीट तयार होत नाही आणि तळाशी काही शिल्लक राहत नाही तोपर्यंत ढवळत राहा. अशा प्रकारे सोडियम सायट्रेट तयार आहे.

आता एका ब्लेंडरमध्ये दूध, सोडियम सायट्रेट, तयार पनीर, दही व मीठ एकाच वेळी मिक्स करा. आता जोपर्यंत मिश्रण चिकट होत नाही तोपर्यंत ढवळत राहा. आता हे मिश्रण डबल बॉयलरमध्ये काढा आणि १२- १५ मिनिटे एक गुळगुळीत, चिकट व सॉफ्ट चीजसारखे दिसत नाही तोपर्यंत ढवळत राहा. त्यानंतर बटर पेपरचा तेल लावलेला एक चौकोनी तुकडा घ्या आणि त्यावर हे मिश्रण टाका, त्यानंतर एक तास फ्रिजमध्ये ठेवून चांगले थंड करा, अशा प्रकारे तुम्ही घरच्या घरी चीज बनवू शकता.