मुलांसाठी सकाळच्या नाश्त्यात अशी बनवा ज्वारीची हेल्दी इडली; नोट करा साहित्य अन् कृती

साहित्य :

१. २ कप ज्वारी
२. २ कप तांदूळ
३. २ कप उडदाची डाळ
४. २ कप रवा
५. १ वाटी गाजर, बीट किसलेले
६. चिमूटभर खायचा सोडा
७. चवीनुसार मीठ
८. तेल आवश्यकतेनुसार

कृती :

हेही वाचा: तुमच्या मुलांसाठी घरीच बनवा ‘आंब्याचा टेस्टी जाम’; पटकन नोट करा ‘ही’ सोपी रेसिपी

१. सर्वांत आधी तांदूळ, उडीद डाळ, ज्वारी पाण्याने स्वच्छ धुऊन घ्या.

२. त्यानंतर सहा-सात तासांसाठी हे सर्व वेगवेगळ्या पाण्यात भिजवा.

३. सहा-सात तासांनंतर हे मिश्रण मिक्सरमध्ये व्यवस्थित वाटून घ्या.

४. वाटलेल्या मिश्रणामध्ये रवा मिसळा आणि हे मिश्रण एकसारखे ढवळून घ्या.

५. त्यानंतर या पिठात मीठ, किसलेले गाजर, बीट व सोडा घाला.

६. मग इडली पात्रात नेहमी इडल्या बनवतो तशा बनवा.

७. अशा प्रकारे तयार केलेल्या ज्वारीच्या इडल्या खोबऱ्याच्या चटणीसोबत वाढा.