रियलमी सतत नवीन स्मार्टफोन सादर करत आपल्या वापरकर्त्यांना सरप्राईज देत असते. ही कंपनी तिच्या नंबर सीरिजसाठी प्रसिद्ध आहे. या मालिकेत असे स्मार्टफोन लाँच केले आहेत जे फीचर्स आणि स्पेसिफिकेशन्समध्ये मजबूत आहेत तसेच किमतीच्या दृष्टीने किफायतशीर आहेत. सध्या भारतात Realme 9 सीरीजमध्ये सात मॉडेल्स सादर करण्यात आले आहेत आणि आता कंपनीच्या अगदी नवीन आणि प्रगत Realme 10 वरुनही पडदा हटवण्यात आला आहे. Realme 10 लवकरच भारतीय बाजारात लाँच होईल. कंपनीने अद्याप Realme 10 च्या सादरीकरणाबद्दल कोणतीही माहिती दिली नसली तरी Realme 10 शी संबंधित महत्त्वाची माहिती एका रिपोर्टमध्ये समोर आली आहे. realme 9i मालिका realme 9i, realme 9i 5G, realme 9, realme 9 5G, realme 9 5G स्पीड एडिशन, realme 9 Pro 5G आणि realme 9 Pro 5G नंतर, आता कंपनी Realme 10 सह एक नवीन प्रारंभ करेल. (आणखी वाचा : येतोय खास! OnePlus 10R 5G चे प्राइम ब्लू एडिशन भारतीय बाजारपेठेत होणार सादर; जाणून घ्या फोनचे खास फीचर्स… ) Realme 10 वैशिष्ट्ये Realme 10 शी संबंधित ही नवीन बातमी सीबी टेस्ट सर्टिफिकेशनद्वारे समोर आली आहे. फोन या सर्टिफिकेशन साइटवर मॉडेल नंबर RMX३६३० सह सूचीबद्ध आहे जिथे Realme 10 बॅटरी उघड झाली आहे. ही सूची समोर आल्यानंतर, असा विश्वास आहे की हा नवीन Realme मोबाइल फोन ५,००० mAh बॅटरीसह बाजारात लॉन्च केला जाईल. Realme 10 मालिका पुढील वर्षीच बाजारात दाखल होईल.
