A tree fell on the mandap of Ganeshotva One dead and four injured in thane

या गणपतीच्या मंडपात शुक्रवारी सायंकाळी ८ वाजता आरती सुरू होती.

ठाणे

September 10, 2022 11:11 IST

A tree fell on the mandap of Ganeshotva One dead and four injured in thane

ठाणे : गणेशोत्वाच्या मंडपावर झाड कोसळले ; एकाचा मृत्यू तर चार जण जखमी

येथील कोलबाड भागातील एका सार्वजनिक गणेशोत्वाच्या मंडपात शुक्रवारी सायंकाळी आरती सुरू असताना एक झाड मंडपावर पडले. त्यात एकाचा मृत्यू तर चार जण जखमी झाले आहेत. तसेच दोन वाहनांचे नुकसान झाले आहे. कोलबाड येथील जाग माता मंदीर आहे. या मंदिराजवळच कोलबाड मित्र मंडळाच्या वतीने सार्वजनिक गणेशोत्वास साजरा करण्यात येतो. या गणपतीच्या मंडपात शुक्रवारी सायंकाळी ८ वाजता आरती सुरू होती.

हेही वाचा : महामार्गावर वाहने लुटणाऱ्या ११ जणांच्या आंतराज्य टोळीला भिवंडी पोलिसांकडून अटक

त्याचवेळी सुरू झालेल्या मुसळधार पावसादरम्यान एक झाड मंडपावर पडले. या घटनेत राजश्री वालावलकर ( ५५ ) यांचा मृत्यू झाला आहे. प्रतिक वालावलकर (३०), सुहासिनी कोलुंगडे (५६),कीविन्सी परेरा ( ४०), आणि दत्ता जावळे (५०) हे चौघे जखमी झाले आहेत. तर दोन दुचाकींचे आणि गणपती मंडपाचे नुकसान झाले आहे. या घटनेची माहिती मिळताच आपत्ती व्यवस्थापन विभागाचे अधिकारी व कर्मचारी, वृक्ष प्राधिकरण विभागाचे अधिकारी व कर्मचारी, अग्निशमन दलाचे जवान यांनी घटनास्थळी धाव घेतली.

First published on: 10-09-2022 at 11:11 IST

Thane News (ठाणे न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: A tree fell on the mandap of ganeshotva one dead and four injured in thane tmb 01