उल्हासनगरच्या सेंच्युरी रेयॉन कंपनीत स्फोट; चार ते पाच कामगार अत्यवस्थ, दोघांची स्थिती चिंताजनक

कल्याण अहमदनगर राष्ट्रीय महामार्गावर शहाड येथील सेंच्युरी रेयॉन कंपनीत सकाळच्या सुमारास भीषण स्फोट झाला. या स्फोटाची तीव्रता इतकी होती की बिर्ला गेट चौक शहाड गावठाण परिसरात घरांना हादरे बसले. कंपनीच्या सी एस दोन या विभागात स्फोट झाल्याची माहिती प्रत्यक्षदर्शीनी दिली आहे. स्फोटानंतर जखमी कामगारांना तातडीने शेजारच्याच कंपनीच्या रुग्णालयात दाखल करण्यात आले. यावेळी दोन जणांची प्रकृती चिंताजनक असल्याची माहिती कामगारांनी दिली. कंपनी प्रशासनाने अद्याप कोणतीही अधिकृत माहिती दिलेली नाही. घटनेची माहिती मिळतात उल्हासनगर पोलिसांनी घटनास्थळी धाव घेतली. त्या पाठोपाठ स्थानिक आमदार कुमार आयलानी, माजी आमदार पप्पू कलानी यांच्यासह स्थानिक नागरिकांनी रुग्णालयात गर्दी केली.