उल्हासनगरात उपायुक्तांना जाळण्याचा प्रयत्न

बेकायदा बांधकामांविरोधात कारवाई करणारे उल्हासनगर महापालिकेचे उपायुक्त युवराज भदाणे यांच्यावर शनिवारी अज्ञातांनी हल्ला करण्याचा प्रयत्न केला. भदाणे यांच्या अंगावर ज्वलनशील पदार्थ फेकून त्यांना जिवंत जाळण्याचा प्रयत्न हल्लेखोरांनी केला. मात्र, ज्वलनशील पदार्थ भदाणे यांच्या गाडीवर पडल्याने ते बचावले. त्यांची कार या घटनेत जळून खाक झाली. उल्लेखनीय म्हणजे पालिका आवारातच ही घटना घडली.
भदाणे शनिवारी दुपारी पालिकेच्या कामासाठी मुंबई उच्च न्यायालयात जाण्यासाठी निघाले असता दोन दुचाकीस्वारांनी त्यांच्यावर ज्वलनशील पदार्थ फेकण्याचा प्रयत्न केला. उल्हासनगरतील बेकायदा, रस्ता रुंदीकरणात अडथळा येणारी बांधकामे प्रशासनाच्या आदेशावरून जमीनदोस्त करण्याची कारवाई करत असल्याने आपल्यावर हल्ला झाल्याचा आरोप उपायुक्तांनी केला.