‘व्हॅलेंटाईन डे’साठी कुछ हटके प्रयोग..

व्हॅलेंटाईन डे हा दिवस प्रेमाचा दिवस म्हणून ओळखला जातो. या दिवसासाठी प्रेमी जोडप्यांच्या तयारीला आता जोर आला आहे. काही दिवसांवर येऊन ठेपलेल्या प्रेमदिनाला सगळ्यात वेगळी भेटवस्तू आपण आपल्या प्रियकराला देणार हा एकच विचार मनात करून तरुण मंडळी वेगवेगळी शक्कल लढवत असतात. त्यामध्ये आम्ही दोघेही कसे एकमेकांना पूरक आहोत किंवा कसे एक आहोत हे दर्शविण्यासाठी विविध प्रतिकात्मक प्रयोग करत असतात. त्याचा घेतलेला हा वेध..
खास प्रेमी युगलांसाठी टी-शर्ट
व्हॅलेंटाईन डेला आपण दोन नसून आपण एकच आहोत हे दर्शविण्यासाठी खास टी-शर्ट्सना प्राधान्य दिले जात आहे. प्रेमी जोडपी एकाच रंगाचे टी-शर्ट घालणे पसंत करू लागली आहे. त्यावर विविध प्रकारचे संदेश किंवा चित्रे असतात. त्याचबरोबर काही टी-शर्ट्सवर एकमेकांना संबोधून लिहिलेल्या काही वाक्यांचाही वापर केलेला असतो. सध्या अशाप्रकारची टी-शर्ट खास तयार करून देतात. त्यांची किंमत ४०० ते ६०० रुपये एवढी आहे.