scorecardresearch

Premium

माजी कुलगुरू अशोक प्रधान यांना मारहाण प्रकरणी दोन हल्लेखोरांना अटक

माजी कुलगुरू प्रा. अशोक प्रधान यांच्यावर हल्ला करणाऱ्या एका बडतर्फ शिक्षकासह त्याच्या साथीदाराला महात्मा फुले पोलीस ठाण्याच्या पोलिसांनी मंगळवारी अटक केली.

kalyan two arrested, assault on former vice chancellor
माजी कुलगुरू अशोक प्रधान यांना मारहाण प्रकरणी दोन हल्लेखोरांना अटक (छायाचित्र – लोकसत्ता टीम)

कल्याण : माजी कुलगुरू प्रा. अशोक प्रधान यांच्यावर हल्ला करणाऱ्या एका बडतर्फ शिक्षकासह त्याच्या साथीदाराला महात्मा फुले पोलीस ठाण्याच्या पोलिसांनी मंगळवारी अटक केली. उर्वरित तीन फरार आरोपींचा पोलिसांनी शोध सुरू केला आहे. प्रधान यांनी रविवारी दिलेल्या तक्रारीच्या आधारे पोलिसांनी मारहाण, घुसघोरी, डांबून ठेवणे या कायद्याने आरोपींविरुध्द गुन्हा दाखल केला होता. माजी कुलगुरूंना मारहाण झाल्याचे पडसाद राज्यभर उमटले. शिक्षण क्षेत्रातील अनेक मंडळींनी या प्रकरणातील आरोपींना कठोर शिक्षा झालीच पाहिजे, अशी भूमिका शासनस्तरावर घेतली. या घटनेनंतर मंगळवारी पोलिसांनी प्रधान यांचा जबाब नोंदवून घेतला.

प्रधान यांच्या घरातील सीसीटीव्ही चित्रण पोलिसांकडून तपासण्यात आले. त्यात प्रधान यांना बनावट पिस्तूलचा धाक दाखविणे, त्यांच्या पत्नीला फरफटत नेणे, त्यांना बांधून ठेवणे, पैशाची मागणी करणे असे प्रकार कैद झाले आहेत. या माहितीच्या आधारे पोलिसांनी आरोपींवर नव्याने कलमे लावली आहेत. ज्येष्ठ नागरिक संरक्षण कायद्याने गुन्हा दाखल करण्यात आला. दरम्यान, प्रधान यांना झालेल्या मारहाण प्रकरणी तीव्र नाराजी व्यक्त करत या प्रकरणाचा तातडीने तपास करण्याची मागणी कल्याण पश्चिमेचे आमदार विश्वनाथ भोईर यांनी पोलिसांकडे केली आहे.

Due to security reasons Ganpat Gaikwad in court in the morning with police force
सुरक्षेच्या कारणास्तव गणपत गायकवाड सकाळीच पोलिसांच्या फौजफाट्यासह न्यायालयात
Home Minister Devendra Fadnavis marathi news, three murders nagpur marathi news, nagpur crime news
गृहमंत्री देवेंद्र फडणवीस यांच्या गृहशहरात चोवीस तासांत तीन हत्याकांड; अखेर ‘त्या’ जखमीचाही मृत्यू
chitra wagh reply to ubt leader sushma andhare
“विरोधकांनी शहाणपण शिकवण्याची गरज नाही,” चित्रा वाघ यांनी सुनावले; म्हणाल्या, “त्यांना केवळ देवेंद्र फडणवीसांचा राजीनामा…”
Cases registered against BJP workers for Slogans in support of MLA Gaikwad in Ulhasnagar
उल्हासनगरमध्ये भाजप कार्यकर्त्यांवर गुन्हे दाखल, न्यायालय परिसरात आमदार गायकवाड यांच्या समर्थनार्थ घोषणाबाजी

हेही वाचा : ठाणे : उधारीचे पैसे देत नाही म्हणून भर रस्त्यात मुलाला नग्न करून मारहाण

शिक्षणक्षेत्रात योगदान असणाऱ्या एका ऋषीतुल्य व्यक्तिमत्वावर हल्ला झाल्याने, कायदा आणि सुव्यवस्थेचा प्रश्न निर्माण झाला आहे. त्यामुळे या प्रकरणाला जबाबदार धरून ठाणे पोलीस आयुक्तांवर निलंबनाची कारवाई करण्यात यावी, अशी मागणी धर्मराज्य पक्षाचे उपाध्यक्ष नितीन देशपांडे यांनी राज्यपाल रमेश बैस, मुख्यमंत्री एकनाथ शिंदे यांच्याकडे केली आहे. उपमुख्यमंत्री देवेंद्र फडणवीस यांनाही या निवेदनाचा प्रत देण्यात आली आहे. मुख्यमंत्र्यांच्या जिल्ह्यात शिक्षण क्षेत्रातील एका ऋषीतुल्य व्यक्तिमत्वावर हल्ला होतो, हे स्थानिक पातळीवर कायदा सुव्यवस्था ढासळल्याचे आणि पोलिसांचा धाक राहिला नसल्याचे उदाहरण आहे, अशी टिकाही त्यांनी केली आहे.

“प्रा. प्रधान यांना झालेल्या मारहाण प्रकरणी पुरवणी जबाब नोंदविण्यात आला आहे. दोन आरोपींना अटक करून उर्वरित आरोपींचा शोध सुरू आहे.” – शैलेश साळवी, वरिष्ठ पोलीस निरीक्षक, महात्मा फुले पोलीस ठाणे.

Latest Comment
View All Comments
Post Comment

Thane News (ठाणे न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: In kalyan two arrested in case of assault of former vice chancellor prof ashok pradhan css

First published on: 22-11-2023 at 19:57 IST

आजचा ई-पेपर : ठाणे

वाचा
epaper image

संबंधित बातम्या

तुम्ही या बातम्या वाचल्या आहेत का? ×