scorecardresearch

Premium

कोंडी कमी करण्याचे श्रेय तुमच्या पुत्राला घेऊ द्या.. पण शिळफाट्याच्या कोंडीचा शिक्का पुसा..

शिळफाट्याच्या कोंडीवरून मनसे आमदार राजू पाटील यांची मुख्यमंत्र्यांवर टिका

shil phata, mns, mla raju patil
कोंडी कमी करण्याचे श्रेय तुमच्या पुत्राला घेऊ द्या.. पण शिळफाट्याच्या कोंडीचा शिक्का पुसा..

ठाणे : गेल्या काही दिवसांपासून शिळफाटा, कल्याणफाटा, महापे मार्गावर मोठ्याप्रमाणात वाहतुक कोंडी होऊ लागली आहे. या मुद्द्यावरून मनसेचे कल्याण ग्रामीणचे आमदार प्रमोद (राजू) पाटील यांनी मुख्यमंत्री एकनाथ शिंदे आणि खासदार श्रीकांत शिंदे यांच्यावर टिका केली. आपल्या सुपूत्राच्या मतदार संघात नागरिकांना वाहतुक कोंडीला सामोरे जावे लागत आहे, तर महाराष्ट्राने काय अपेक्षा ठेवायच्या ? कोंडी कमी करण्याच्यासाठी आमच्या सूचना ऐकण्यासाठी वेळ द्या. पाहिजे तर कोंडी कमी करण्याचे श्रेय तुमच्या पुत्राला घेऊ द्या..पण शिळफाट्याच्या कोंडीचा शिक्का पुसा, असा टोलाही त्यांनी लगावला.

शिळफाटा, कल्याणफाटा भागात मोठ्याप्रमाणात गृहसंकुले उभी राहीली आहेत. तसेच येथील मार्गावरून बदलापूर, कल्याण, डोंबिवली भागातील हजारो वाहन चालक नवी मुंबई, ठाण्याच्या दिशेने वाहतुक करत असतात. उरण जेएनपीटी येथून सुटणाऱ्या अवजड वाहनांची वाहतुकही या मार्गावरून होत असते. वाहनांचा भार वाढल्याने तसेच विविध प्रकल्पांची कामे सुरू असल्याने दररोज वाहन चालकांना कोंडीचा त्रास सहन करावा लागतो. त्यातच येथील एमआयडीसी मार्गावर ठाणे वाहतुक पोलिसांनी या मार्गावर प्रायोगिक तत्त्वावर वाहतुक बदल लागू केले आहेत. त्यामुळे सायंकाळी कोंडी होत आहे. दररोजच्या कोंडीवरून मनसेचे कल्याण ग्रामीणचे आमदार राजू पाटील यांनी शिंदे यांच्यावर टिका करत प्रशासनाच्या कारभाराविषयी प्रश्न उपस्थित केले.

Death threat to Deputy Chief Minister devendra Fadnavis on social media case filed in Santacruz police station
उपमुख्यमंत्री फडणवीस यांना समाज माध्यमांवर ठार मारण्याची धमकी, सांताक्रुझ पोलीस ठाण्यात गुन्हा दाखल
love triangle nagpur
‘पती, पत्नी और वो…’ प्रेमाच्या त्रिकोणातून दोन संसार उद्ध्वस्त होण्याच्या मार्गावर; भरोसा सेलने…
valentine day marathi news,valentine day uttarakhand marathi news, uttarakhand marathi news
उत्तराखंडात ‘व्हॅलेंटाइन’सह जगण्याच्या अधिकारावरच बंधन…
Jewelery looted fake police Sangli district
सांगली : तोतया पोलिसाकडून सव्वा लाखाच्या दागिन्यांची लूट

हेही वाचा… आता अंबरनाथमध्येही सिग्नल यंत्रणा, कल्याण बदलापूर राज्यमार्गावर तीन ठिकाणी सिग्नल

हेही वाचा… ठाणे : दिवा स्थानकातून सीएसएमटी गाड्या सोडा, प्रवासी संघटनेची स्वाक्षरी मोहीम

‘शिळफाट्याच्या कोंडीने स्वत:चेच विक्रम मोडले. मुख्यमंत्री साहेब आपले पुत्र पण येथील लोकप्रतिनिधी आहेत. वाहतुक कोंडी सुटावी यासाठी नवनव्या ‘स्कीम’ घेऊन येतात. त्या ‘स्किम’ नसतातच. पाॅकेटमनीसाठी केलेला ‘स्कॅम’ असतो अशा चर्चा ठेकेदार वर्गात सुरू आहेत. गरोदर महिला, वृद्ध, रुग्ण सगळे तासन्-तास कोंडीला सामोरे जात आहेत. तेही आपल्या सुपूत्राच्या मतदार संघात? महाराष्ट्राने काय अपेक्षा ठेवायच्या असा प्रश्न पाटील यांनी केला. कधीतरी आमच्या सूचनांचा विचार करा, कदाचित वाहतुक कोंडी कमी होईल. हवे तर याचे श्रेय तुमच्याच पुत्राला घेऊ द्या. पण एकदा आमच्या सूचना ऐकण्यासाठी वेळ द्या व शिळफाट्याच्या कोंडीचा शिक्का तेवढा पुसा, असा टोलाही त्यांनी शिंदे यांना लगावला. त्यामुळे शिळफाट्याच्या कोंडीचा मुद्दा आता तापण्याची शक्यता व्यक्त केली जात आहे.

Latest Comment
View All Comments
Post Comment

Thane News (ठाणे न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: Mns mla raju patil criticized cm and mp shrikant shinde over traffic jam at shilphata asj

First published on: 30-11-2023 at 18:09 IST

आजचा ई-पेपर : ठाणे

वाचा
epaper image

संबंधित बातम्या

तुम्ही या बातम्या वाचल्या आहेत का? ×