scorecardresearch

Premium

कोकणातील गणेश भक्तांसाठी कल्याण – डोंबिवलीतून ५८० बसची मोफत सुविधा; खासदार डाॅ. श्रीकांत शिंदे यांचा उपक्रम

या बस डोंबिवली, कल्याण शहरांमधील प्रशस्त मैदाने, उड्डाण पुलांजवळ आणून उभ्या करण्यात आल्या आहेत.

MP Dr. Shrikant Shinde decided release 580 free buses Konkan Kalyan Dombivli Ganeshotsav
डोंबिवलीत ठाकुर्ली पुलाजवळ उभ्या करुन ठेवण्यात आलेल्या बस (छायाचित्र- लोकसत्ता टीम)

लोकसत्ता खास प्रतिनिधी

कल्याण: शिवसेनेचा मोठा संख्येने मतदार असलेल्या कल्याण, डोंबिवली शहरांमधून कल्याण लोकसभेचे खासदार डाॅ. श्रीकांत शिंदे यांनी राज्य महामंडळाच्या ५८० मोफत बस गणेशोत्सवानिमित्त कोकणात सोडण्याचा निर्णय घेतला आहे. या बस डोंबिवली, कल्याण शहरांमधील प्रशस्त मैदाने, उड्डाण पुलांजवळ आणून उभ्या करण्यात आल्या आहेत.

Shilpata road
डोंबिवली : शिळफाटा रस्ता रविवारी अवजड वाहनांसाठी बंद, प्रीमिअर मैदानातील बालाजी महोत्सवासाठी वाहतूक विभागाचा निर्णय
haj Pilgrims
हजयात्रेकरूंना त्यांचे पैसे परत मिळणार! ‘हे’ आहेत आदेश…
Sighting of T-1 tigress with two cubs at Navegaon Nagzira Tiger Reserve
नवेगाव नागझिरा व्याघ्र प्रकल्पात टी-१ वाघीण सह दोन बछड्यांचे दर्शन
How much donation did Ram Mandir receive
रामलल्लाचा दररोज नवनवा विक्रम, ११ दिवसांत २५ लाख भाविक दर्शनासाठी पोहोचले; ‘इतके’ कोटी मिळाले दान

शनिवारी संध्याकाळ पासून या बस कोकणातील गणेशभक्तांना घेऊन कोकणात धावण्यास सुरुवात करतील, असे खासदार कार्यालयातून सांगण्यात आले. मागील दोन ते तीन वर्षापासून हा उपक्रम शिवसेनेतर्फे खा. डाॅ. शिंदे यांच्या माध्यमातून राबविण्यात येतो.

हेही वाचा… ठाणे : लाचेप्रकरणी पोलीस कर्मचाऱ्याविरोधात गुन्हा दाखल

डोंबिवली, कल्याण शहरांमध्ये कोकणातील रहिवासी नोकरी, व्यवसायाच्या निमित्ताने अधिक संख्येने राहतो. या मधील बहुतांशी मतदार हा शिवसेना, भाजपचा मतदार आहे. त्यामुळे या मतदारांना आपल्याकडे आकर्षित करण्यासाठी भाजपचे डोंबिवलीचे आमदार, सार्वजनिक बांधकाम मंत्री रवींद्र चव्हाण, खा. डाॅ. शिंदे यांच्याकडून वर्षभरात अनेक उपक्रम या मंडळींसाठी आयोजित केले जातात. गणेशोत्सव काळात मोफत बस सोडणे हाही त्या उपक्रमाचा एक भाग आहे.

हेही वाचा… डोंबिवलीत इमारत कोसळून एकाचा मृत्यू; एका महिलेला ढिगाऱ्याखालून जिवंत बाहेर काढले

डोंबिवलीतून २७५ बस रायगड, रत्नागिरी, सिंधुदुर्ग जिल्ह्यातील गावागावांमध्ये सोडण्यात येणार आहेत. यामधील १४४ बस डोंबिवली पश्चिमेतील ठाकुर्ली पुलाजवळील रेल्वे मैदानावरुन सोडण्यात येणार आहेत. या बस शनिवारी संध्याकाळी साडे चार वाजता नियोजित गाव आणि तेथील प्रवाशांना घेऊन कोकणात निघतील. १३१ बस डोंबिवलीतील सावळाराम महाराज क्रीडासंकुलातून सुटतील. या बस साडे पाच वाजता सुटतील. कल्याण पूर्व येथील १०० फुटी रस्त्यावरुन संध्याकाळी साडे सहा वाजता, कोळसेवाडी भागातील ड प्रभाग कार्यालयासमोरुन संध्याकाळी सात वाजता बस सुटतील. या बसना खा. डाॅ. शिंदे यांनी हिरवा झेंडा दाखवला की या बसचे मार्गक्रमण सुरू होणार आहे.

Latest Comment
View All Comments
Post Comment

Thane News (ठाणे न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: Mp dr shrikant shinde decided to release 580 free buses in konkan from kalyan dombivli for ganeshotsav dvr

First published on: 16-09-2023 at 18:10 IST

आजचा ई-पेपर : ठाणे

वाचा
epaper image

संबंधित बातम्या

तुम्ही या बातम्या वाचल्या आहेत का? ×