scorecardresearch

Premium

कल्याण रेल्वे स्थानकात धावत्या डेक्कन क्वीनमधून उतरताना तीन प्रवासी पडले; एकाचा मृत्यू, दोन गंभीर जखमी

फरीद अन्सारी असे मृत्यू झालेल्या प्रवाशाचे नाव आहे तर रियाज अन्सारी हे यातील एका जखमीचे नाव आहे.

One person died two were seriously injured Deccan Queen express Kalyan railway station
कल्याण रेल्वे स्थानकात धावत्या डेक्कन क्वीनमधून उतरताना तीन प्रवासी पडले; एकाचा मृत्यू, दोन गंभीर जखमी (छायाचित्र- लोकसत्ता टीम)

लोकसत्ता खास प्रतिनिधी

कल्याण: पुणे-मुंबई डेक्कन क्वीनमधून प्रवास करणारे तीन प्रवासी शुक्रवारी धावत्या एक्सप्रेसमधून कल्याण रेल्वे स्थानकात उतरत असताना पडले. एक प्रवाशाचा रुग्णालयात नेत असताना मृत्यू झाला तर दोन जण गंभीर जखमी आहेत, अशी माहिती रेल्वे अधिकारी आणि लोहमार्ग पोलिसांनी दिली.

fatka gang
दिवा रेल्वे स्थानकात फटका गँगमुळे प्रवाशाने गमावला हात, ठाणे रेल्वे पोलिसांनी केली चोरट्यास अटक
Aastha Express stone pelting Nandurbar railway station ayodhya surat ram mandir
आस्था एक्स्प्रेसवर नंदुरबारजवळ दगडफेक ?
Three died in accident
चंद्रपूर : लोहखनिज वाहतूक करणाऱ्या ट्रकने तिघांना चिरडले, अपघातानंतर चालक पसार
accident Mumbai Pune Expressway two died Aundhe bridge
द्रुतगती मार्गावर अपघातात टेम्पोचालकासह दोघांचा मृत्यू

फरीद अन्सारी असे मृत्यू झालेल्या प्रवाशाचे नाव आहे तर रियाज अन्सारी हे यातील एका जखमीचे नाव आहे. त्यांच्या नातेवाईकांचा शोध घेण्याचे काम सुरू आहे, असे पोलिसांनी सांगितले. डेक्कन क्वीन एक्सप्रेसला कल्याण रेल्वे स्थानकात थांबा नाही. पुण्याहून डेक्कन क्वीनमध्ये बसून आलेल्या तीन प्रवाशांना कल्याणमध्ये उतरायचे होते. कल्याण रेल्वे स्थानकात थांबा नसल्याने या तरूण प्रवाशांनी डेक्कन क्वीनचा कल्याण रेल्वे स्थानकाजवळ वेग मंदावला की धावत्या गाडीतून उतरण्याचे नियोजन केले असावे, असे रेल्वे अधिकाऱ्याने सांगितले.

हेही वाचा… हार्बर मार्गावर लोकल वाहतूक १५ मिनिटे उशिरा तर ट्रान्स हार्बर मार्गावरील सकाळी ८ वाजून ४१ मिनिटांची पनवेल गाडी रद्द

कल्याण रेल्वे स्थानकाजवळ एक्सप्रेसचा वेग कमी होताच, ठरल्याप्रमाणे या तीन प्रवाशांनी धावत्या एक्सप्रेस मधून कल्याण रेल्वे स्थानकात उड्या मारल्या. एक जण घरंगळत रुळाच्या दिशेने पडल्याने तो एक्सप्रेसखाली आला. दोन जण उड्या मारताना फलाटावरुन पडून गंभीर जखमी झाले. एक्सप्रेसखाली आलेला प्रवाशाला रुक्मिणीबाई रुग्णालयात नेण्यात आले, तिथे दाखल करताना त्याचा मृत्यू झाला. इतर दोन प्रवासी गंभीर जखमी झाले आहेत, असे रेल्वे अधिकाऱ्याने सांगितले. सकाळीच कल्याण रेल्वे स्थानकात घडलेल्या या प्रकाराने खळबळ उडाली.

Latest Comment
View All Comments
Post Comment

Thane News (ठाणे न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: One person died and two were seriously injured due to falling while alighting from the deccan queen express at kalyan railway station dvr

First published on: 06-10-2023 at 11:54 IST

आजचा ई-पेपर : ठाणे

वाचा
epaper image

संबंधित बातम्या

तुम्ही या बातम्या वाचल्या आहेत का? ×