Viral Video : सोशल मीडियावर अनेक प्रकारचे व्हिडीओ व्हायरल होत आहे. काही मजेशीर असतात तर काही थक्क करणारे असतात. काही व्हिडीओ तर अंगावर काटा आणणारे असतात. तुम्ही रस्त्यावर स्टंट करणारे अनेक व्हिडीओ पाहिले असेल पण सध्या व्हायरल होणारा व्हिडीओ पाहून तुमचा थरकाप उडेल. या व्हिडीओमध्ये एक मुलगा दुचाकीच्या सीटवर उभा होऊन दुचाकी चालवताना दिसत आहे. सध्या या व्हिडीओची जोरदार चर्चा सुरू आहे.
सोशल मीडियावर अनेक जण स्टंट करतानाचे व्हिडीओ शेअर करतात. काही लोकांना स्टंट करणे आवडते पण अनेकदा स्टंट करणे महागात सुद्धा पडते. या व्हायरल व्हिडीओमध्ये हा मुलगा ज्या पद्धतीने दुचाकीच्या सीटवर उभा राहून दुचाकी चालवत आहे, ते पाहून तुमच्याही अंगावर शहारा येईल.
या व्हायरल व्हिडीओत तुम्हाला दिसेल की एक मुलगा भररस्त्यावर दुचाकी चालवत आहे पण त्याची दुचाकी चालवण्याची पद्धत पाहून कोणीही अवाक् होईल. दुचाकीच्या सीटवर उभा राहून तो दुचाकी चालवतोय. व्हिडीओमध्ये समोरुन ट्रक येताना दिसत आहे. तरीसुद्धा तो बिनधास्तपणे रस्त्याच्या एका बाजूला दुचाकी चालवत आहे. हा धक्कादायक व्हिडीओ पाहून कोणालाही विश्वास बसणार नाही. जर या मुलाचा थोडा जरी तोल गेला तरी याचा जीव जाऊ शकतो. सध्या हा व्हिडीओ चांगलाच व्हायरल होत आहे.
हेही वाचा : VIDEO : काय सांगता! पोपट चक्क सायकल चालवतोय; विश्वास बसत नाही, एकदा व्हायरल व्हिडीओ पाहाच
ChapraZila या एक्स अकाउंटवरून हा व्हिडीओ शेअर करण्यात आला असून या व्हिडीओच्या कॅप्शनमध्ये लिहिलेय, “आता यमराज झोपला आहे त्यामुळे वाचला” या व्हिडीओवर अनेक युजर्सनी प्रतिक्रिया दिल्या आहेत. एका युजरने लिहिलेय, “या मुलाने तर सुपरहिरोला पण फेल केलं” तर एका युजरने लिहिलेय, “यमराज होळी खेळत आहे आणि हा मृत्यूशी खेळत आहे” आणखी एका युजरने लिहिलेय, “हा मुलगा विसरला आहे की आयुष्य एकदाच मिळतं” काही लोकांनी हा व्हिडीओ पाहून संताप व्यक्त केला आहे. एक लाखाहून अधिक लोकांनी हा व्हिडीओ पाहिला असून सध्या खूप व्हायरल होत आहे.
