प्रत्येकाची इच्छा असते की त्याला अशी नोकरी मिळावी ज्यामध्ये त्याला लाखो-कोटींचा पगार मिळेल आणि त्याला आपले जीवन शांततेने जगता येईल अशा सोयी सुविधा तो सहज मिळवू शकतो. जरी हे प्रत्येकाच्या नशिबात लिहिलेले नसते, परंतु ज्याला अशी नोकरी मिळते तो पुढे जाण्याशिवाय दुसरे काही कसे विचार करू शकतो. पण अशी नोकरी सोडल्यामुळे एक व्यक्ती चर्चेत आली आहे तेही आपल्या गर्भवती पत्नीची काळजी घेण्यासाठी, तिला कामात मदत करण्यासाठी. तुम्ही असे प्रकरण क्वचितच पाहिले असेल किंवा ऐकले असेल. हे प्रकरण बंगळुरूमध्ये घडल्याचे समोर आले आहे.,
‘१ कोटी रुपयांपेक्षा जास्त पगाराच्या नोकरीतून मी राजीनामा देतो’ या विधानामुळे एक व्यक्तीची पोस्ट सोशल मीडियावर धुमाकूळ घालत आहे. मोठ्या निर्णयामागील कारणही तितकेच चर्चेचा विषय ठरत आहे. रेडिटवर बंगळुरूमधील जयनगरमध्ये चांगले घर असलेल्या या व्यक्तीने ‘१ कोटी रुपयांपेक्षा जास्त पगाराची’ नोकरी का सोडली ते सांगितले. आपल्या गर्भवती पत्नीला पत्नीला मदत करता यावी म्हणून त्याने हा निर्णय घेतल्याचे स्पष्ट केले.
त्या पुरूषाच्या पोस्टनुसार, तो कॉलेजमधून ७ वर्षांपूर्वी बाहे पडला आहे, परंतु गेल्या ७ वर्षांत ‘स्टार्टअप्स’मध्ये काम करून आणि जीटीएम टीम्स बनवून आणि त्यांचे नेतृत्व करून त्याला सातत्याने यश मिळाले. दोन महिन्यांपूर्वी, या जोडप्याला कळले की ते कुटुंबातील एका नवीन सदस्याचे स्वागत करणार आहेत, तेव्हाच त्या पुरूषाने आपल्या पत्नीला एक वर्षाची सुट्टी घेऊन हा काळ अनुभवण्याबाबत सांगितले. तथापि, त्याच्या पत्नीने इतक्या लवकर काम करणे थांबवण्यास नकार दिला आणि कामाचे तास कमी करण्याचा आणि WFH चा पर्याय निवडण्यास सांगितले. पण त्याने काही ऐकले नाही आणि नोकरी सोडली आणि घरातील काम करण्याचा निर्णय घेतला.
त्याने सांगितले की, या दोघांनी आधीच काम आणि जबाबदाऱ्या वाटून घेतल्या आहेत; तथापि, तो अधिक जबाबदारी घेण्यास तयार आहे. त्यानंतर त्याने सांगितले की,तो संपूर्ण सेटअपमध्ये भाग्यवान आहे कारण तो असे पाऊल उचलणे त्याला परवडत आहे, परंतु त्याच्या “कनेक्शन्स आणि अनुभवामुळे” तो कधीही निर्णय घेईल तेव्हा तो कामावर परत येऊ शकेल हे त्याला माहित आहे.
पोस्ट ऑनलाइन शेअर होताच, नेटिझन्सनी प्रतिक्रिया देण्यास सुरुवात केली. बहुतेकांनी त्या माणसाची बाजू घेतली आणि या निर्णयाला प्रोत्साहन दिले, तर काहींनी त्याला ऑनलाइन शेअर करून नेटकऱ्यांची लक्ष वेधून घेण्याचा आरोप केला.
“गरोदरपणात माझ्या पत्नीला आधार देण्यासाठी मी माझी १ कोटी+ ची नोकरी सोडली,” असे त्याने पोस्टमध्ये लिहिले होते.
“माझ्याबद्दल: कॉलेज सोडले, ७ वर्षांत स्टार्टअप्समध्ये काम करताना ० वरून ७ कोटी+ पर्यंत उत्पन्न वाढले, बहुतेकदा जीटीएम टीम बनवणे आणि त्यांचे नेतृत्व करणे. माझी शेवटची नोकरी खूपच चांगली होती. १.२ कोटी पगार, WFH, जयनगरमध्ये एक छान जागा. २ महिन्यांपूर्वी, माझी पत्नी गर्भवती राहिली. मी तिला एक वर्षासाठी नोकरी सोडण्यास सांगितले आणि फक्त हा काळ अनुभवण्यास सांगितले, पण तिला काम करत राहायचे होते आणि तिचे तास कमी करायचे होते. ती घरूनही काम करते,” पोस्टमध्ये पुढे लिहिले आहे.
“तेव्हाच मी माझे काम सोडून तिच्यासाठी तिथे असण्याचा निर्णय घेतला. घरातील सर्व सामान सांभाळणे (मी आधीपासून माझ्या वाट्याचे काम करत होतो), बागकाम करणे, तिला फिरायला घेऊन जाणे, आमच्या पालकांना आमच्याबरोबक काही काळ राहायला बोलावणे. मला फक्त या संपूर्ण टप्प्याचा आनंद घ्यायचा होता. आज मी खरोखरच भाग्यवान आहे की,”मी खरोखर १ कोटीहून अधिकची नोकरी सोडू शकतो आणि माझे संबंध आणि अनुभवामुळे मी कधीही काम मिळवू शकतो, असे त्याने पोस्टमध्ये पुढे सांगितले आहे.
“मला वाटते की आयुष्यात, योग्य वेळी योग्य ठिकाणी हजर राहणे सर्वात महत्त्वाचे असते. जेव्हा तुमच्या जोडीदाराची तुम्हाला गरज असते, जेव्हा तुमच्या मुलांना तुमची गरज असते, जेव्हा तुमच्या पालकांना तुमची गरज असते. बाकी सर्व काही दुसऱ्या क्रमांकावर येते. उच्च पगाराची नोकरी मिळवणे हा प्रामाणिकपणे सोपा भाग आहे आणि या खास क्षणांना गमावण्यासारखे नाही. फक्त तुमच्याबरोबर हे शेअर करायचे होते,” असे पोस्टच्या शेवटी त्याने स्पष्ट केले.
ही पोस्ट रेडिटवर ‘r/IndianWorkplace’ या हँडलवरून शेअर करण्यात आली होती. ही पोस्ट काल शेअर करण्यात आली होती आणि लोकांना जवळपास १ हजार व्ह्यूज मिळाले होते.
व्हायरल पोस्ट पहा:
“प्रत्येकाची गोष्ट सारखी नसते, बरेच लोक त्यांच्या नोकऱ्या गमावू शकत नाहीत, तुम्ही भाग्यवान होता, तुमची पत्नी भाग्यवान होती…. पण तुमच्यासाठी आनंदी आहे,” एका वापरकर्त्याने म्हटले. “करिअर ब्रेक घेण्यासाठी माझ्याकडे इतकी फायदेशीर नोकरी असती तर बरे झाले असते. तुम्हाला शुभेच्छा यार,” दुसऱ्याने जोडले.
“कॉलेज डिग्रीशिवाय तुम्हाला नोकरी कशी मिळाली?” दुसऱ्या व्यक्तीने विचारले.
“मी माझ्या वृद्ध/मृत्यूमुखी वडिलांना आधार देण्यासाठी युरोपमधील माझी नोकरी सोडली आहे. तुम्ही जे करत आहात ते फक्त बेजबाबदारपणा आहे. जोपर्यंत आपत्कालीन परिस्थिती उद्भवत नाही तेव्हाच तुम्ही नोकरी सोडता पण तुम्हाला नोकरी सोडायचीच होतीआणि फक्त तुमच्या पत्नी/समाजाकडून ‘चांगला नवरा’ असल्याचे ब्राउनी पॉइंट्स मिळवण्याचा प्रयत्न करत आहात,” दुसऱ्या व्यक्तीने म्हटले.
