Uncle Aunty Dance: दररोज सोशल मीडियावर असंख्य व्हिडीओ व्हायरल होत असतात. त्यात डान्सच्या व्हिडीओंची संख्या अधिक असते. अगदी लहानग्यांपासून ते वयोवृद्धांपर्यंतची मंडळी सोशल मीडियावर थिरकताना दिसतात. कधी मेट्रोत डान्स, तर कधी सार्वजनिक ठिकाणी, तर कधी रस्त्यांवर; काही जण फक्त प्रसिद्धी मिळावी यासाठी अशा विविध प्रकारच्या डान्सचा आधार घेत असतात; तर काही जण फक्त स्वत:च्या मजा, आनंदासाठी तो क्षण एन्जॉय करत असतात.
आनंदी राहण्यासाठी वय, वेळ, काळ बघितला जात नाही असं म्हणतात. त्या त्या क्षणी मनाला वाटेल ते करता आलं पाहिजे, हवं तसं जगता आलं पाहिजे. यामुळेच आपण स्वत:ला खूश ठेवू शकतो. याचंच भक्कम उदाहरण म्हणजे सोशल मीडियावर व्हायरल होणारे काका-काकू. सध्या सोशल मीडियावर एक व्हिडीओ मोठ्या प्रमाणात व्हायरल होतोय. या व्हिडीओमध्ये एक काका-काकू जगाची पर्वा न करता बेभान डान्स करताना दिसतायत. त्यांचा डान्स पाहून नेटकरीही खूश झाले आहेत.
काका-काकूंचा डान्स व्हायरल
सोशल मीडियावर व्हायरल झालेला काका-काकूंचा हा डान्स पाहून तुम्हीही त्यांचं कौतुक कराल. या व्हिडीओमध्ये एका कार्यक्रमात एक काका आणि काकू जबरदस्त डान्स करताना दिसतायत. १९८९ मध्ये प्रदर्शित झालेल्या ‘राम लखन’ चित्रपटातील “माय नेम इज लखन” या गाण्यावर दोघं थिरकताना दिसतायत. काका-काकूंचा इतका उत्साह पाहून अनेकांनी त्यांच्या डान्सचं कौतुक केलं आहे.
काका-काकूंचा व्हायरल झालेला हा व्हिडीओ @rjprasanna20 या इन्स्टाग्राम अकाउंटवरून शेअर करण्यात आला असून “अशा वेळी आयुष्यात वय हा फक्त एक आकडाच ठरतो”, अशी कॅप्शन देण्यात आली आहे. व्हिडीओ व्हायरल होताच याला तब्बल एक मिलियन व्ह्युज आले आहेत.
हेही वाचा… “मी चिरेन भाजी आणि हे लावतील कुकर”, नव्या नवरीचा उखाणा ऐकून पोट धरून हसाल, पाहा VIDEO
युजर्सच्या प्रतिक्रिया
व्हिडीओ व्हायरल होताच अनेकांनी यावर आपल्या प्रतिक्रिया दिल्या आहेत. एका युजरने कमेंट करत लिहिलं, “असंच खूश राहा.” तर दुसऱ्याने “किती सुंदर” अशी कमेंट केली. तर एक जण कमेंट करत म्हणाला, “एक नंबर जोडी.”
