scorecardresearch

Premium

बघता बघता थेट उंच इमारतीत शिरली मेट्रो ट्रेन; प्रत्यक्ष पाहणारेही झाले चकित; पाहा Video

चीनने रेल्वे टेक्नॉलॉजीच्या साहाय्याने तयार केलेल्या या अनोख्या मेट्रो स्टेशनने अनेकांना आश्चर्यचकित केले आहे.

did you know this train passes through a middle of a 19 storey residential building in china video goes viral
बघता, बघता थेट उंच इमारतीत शिरली मेट्रो ट्रेन; प्रत्यक्ष पाहणारेही झाले चकीत; पाहा Video (photo – sachkadwahai instagram)

जगभरात अशा काही अजब-गजब अन् विचित्र गोष्टी आहेत किंवा घडत आहेत की, ज्या लोकांना खूप आश्चर्यचकित करतात. त्यापैकी काही गोष्टी अशा आहेत की, ज्या काही निसर्गाने तयार केल्या आहेत; तर काही मानवनिर्मित आहेत. पण, या गोष्टी कशा निर्माण झाल्या किंवा कशा घडल्या याबद्दल जाणून घेण्याची अनेकांना उत्सुकता असते. अशाच प्रकारे चीनमधून एक अजब-गजब आणि अनोखी गोष्ट समोर आली आहे; ज्याचा एक व्हिडीओ सोशल मीडियावर व्हायरल होत असून, तो लोकांचे लक्ष वेधून घेत आहे.

सध्या चीन इंजिनियरिंग क्षेत्रात एवढी प्रगती करीत आहे की, हा देश आता अमेरिका आणि युरोपशी स्पर्धा करीत आहे. त्यात चीनने रेल्वे क्षेत्रातही एक जबरदस्त प्रगती केली आहे. चीनमधील जबरदस्त रेल्वे व्यवस्था पाहून तुमचेही डोळे चक्रावतील.

part of commercial building obstructing widening of the road was demolished mumbai municipal corporation
रस्ता रुंदीकरणाआड आलेल्या व्यावसायिक इमारतीचा काही भाग तोडला, पश्चिम उपनगरात प्रथमच केला पालिकेने प्रयोग
Improper planning of flyover construction in North Nagpur objection of North Nagpur Senior Citizen Forum
“उत्तर नागपुरातील उड्डाण पूल बांधकामाचे चुकीचे नियोजन,” नॉर्थ नागपूर सिनियर सिटीझन फोरमचा आक्षेप
bathroom cleaning tip to clean dirty bath buckets
Bathroom tips : आंघोळीच्या प्लास्टिक, स्टीलच्या बादल्या कशा ठेवाल स्वच्छ? जाणून घ्या ‘या’ दोन टिप्स
Realme 12 pro price, features and specification check out
Realme 12 Pro : ग्राहकांना तीस हजार रुपयांपेक्षा स्वस्तात मिळणार ‘एवढे’ फीचर्स! लाँच झालेल्या या स्मार्टफोनची खासियत पाहा

बघता, बघता थेट उंच इमारतीत शिरली मेट्रो ट्रेन

रेल्वे टेक्नॉलॉजीच्या साहाय्याने चीनने असा एक मेट्रो प्लॅटफॉर्म तयार केला आहे की, जो पाहून सर्वांनाच आश्चर्याचा धक्का बसला आहे. व्हायरल होत असलेल्या या व्हिडीओमध्ये एक मेट्रो ट्रेन भरधाव वेगाने येत बघता बघता थेट १९ मजली रहिवासी इमारतीमधून जात असल्याचे दिसते; जी पाहून सोशल मीडियावरील लोक आश्चर्यचकित झाले आहेत. पाहताना असे वाटते की, मेट्रो जाऊन थेट इमारतीला आदळतेय की काय; पण प्रत्यक्षात तसे काही होत नाही. कारण या इमारतीमध्ये एक मेट्रो स्ठानक तयार करण्यात आले आहे; तर इमारतीच्या वरच्या मजल्यांवर लोकांना राहण्यासाठी अपार्टमेंट्स आहेत. त्यामुळे हे इमारतवजा मेट्रो स्टेशन (चीन चोंगकिंग ट्रेन) बनले आहे.

हा व्हिडीओ @sachkadwahai या इन्स्टाग्रामवर अकाउंटवर शेअर करण्यात आला आहे. त्यामध्ये एक अनोखी मेट्रो ट्रेन दिसत आहे, जी इमारतीमधून जात आहे. खाली उभे असलेले शेकडो लोक हे दृश्य पाहत असून, त्याचा व्हिडीओ शूट करीत असल्याचे दिसत आहे. यावेळी बघता बघता संपूर्ण मेट्रोच इमारतीमध्ये प्रवेश करते. चीनमधील लोकांसाठीदेखील हे अनोखे मेट्रो रेल्वे स्टेशन एक कुतूहलाचा विषय ठरले आहे. त्यामुळे अनेक लोक हे मेट्रो स्टेशन पाहण्यासाठी गर्दी करतात.

हे अनोखे मेट्रो स्टेशन चीनच्या चोंगकिंग शहरात आहे; ज्याला पर्वतांचे शहर, असेही म्हटले जाते. कारण- येथे पर्वतांसारख्या उंच इमारती आहेत. हा रेल्वेमार्ग २००४ मध्ये सुरू झाल्याचे सांगण्यात येत आहे. या ट्रेन लाईट रेल्वेच्या श्रेणीत येतात, असे सांगितले जात आहे. इमारतीमधील ही मेट्रो सेवा इतकी शांत आहे की, इमारतीत राहणाऱ्या लोकांना याचा कोणत्याही प्रकारचा त्रास होत नाही. तीन दिवसांपूर्वी शेअर करण्यात आलेल्या या व्हिडीओला आतापर्यंत तीन हजारांहून अधिक लोकांनी लाइक केले आहे; तर अनेकांनी चीनच्या या टेक्नॉलॉजीवर आश्चर्य व्यक्त केले आहे.

Latest Comment
View All Comments
Post Comment

मराठीतील सर्व ट्रेंडिंग बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Did you know this train passes through a middle of a 19 storey residential building in china video goes viral sjr

First published on: 02-10-2023 at 17:00 IST

संबंधित बातम्या

तुम्ही या बातम्या वाचल्या आहेत का? ×