Viral Video: अनेकदा आपण पाहतो की, आपल्या आसपास छोट्या -मोठ्या घटना घडत असतात, कोणीतरी अचानक रस्त्यावर पडते, कोणाला भूक लागलेली असते किंवा रस्त्यावर काम करणाऱ्या एखाद्याला कामगाराला मदतीचा हात हवा असतो अशावेळी लोक मदत करायची सोडून तेथून निघून जातात किंवा दुर्लक्ष करतात. पण काही मोजकेच लोक असतात जे मदतीला धावून येतात आणि माणूसकी जिंवत ठेवतात. अशाच एक व्हिडीओ सध्या चर्चेत आला आहे.
सोशल मीडियावर अनेक वेळा असे व्हिडिओ दिसतात जे लोकांची मने जिंकण्यात यशस्वी ठरतात. लोकांना असे व्हिडिओ खूप आवडतात. सध्या असाच एक व्हिडिओ सोशल मीडियावर मोठ्या प्रमाणात व्हायरल होत आहे. या व्हिडिओमध्ये एक व्यक्ती एका वृद्ध महिलेला मदत करताना दिसत आहे. नकळत या महिलेचा ज्यूसचा कप ट्रेनमध्ये सांडतो, त्यानंतर तो पुरुष तिला मदत करतो. या व्यक्तीचे हे कृत्य पाहून लोक आश्चर्यचकित झाले आहेत. नंतर ती स्त्री त्या तरुणाला मिठी मारते आणि आभार व्यक्त करते. सोशल मीडियावर व्हायरल होत असलेल्या या व्हिडिओवर लोक आपापल्या प्रतिक्रिया देत आहेत. हा व्हिडिओ लोकांची मने जिंकत आहे.
हेही वाचा “माझ्याबरोबर कोणी खेळत नाही..” ४ वर्षीय चिमुकल्याचे शब्द ऐकून तुमचेही डोळे पाणावतील; पाहा हृदयस्पर्शी VIDEO
या व्हायरल व्हिडिओला आतापर्यंत ६ लाखांहून अधिक लोकांनी पसंती दर्शवली आहे. त्याचबरोबर अनेकांनी यावर आपल्या प्रतिक्रियाही दिल्या आहेत. एका यूजरने या पोस्टवर लिहिले, ” हा मन जिंकणारा व्हिडिओ.” दुसर्‍या यूजरने लिहिले की, “प्रत्येक व्यक्तीने अशा प्रकारे मदत केली पाहिजे.” त्याचवेळी एका यूजरने लिहिले की, “आजचा सर्वोत्तम व्हिडिओ.”
