Robbery Video: गेल्या अनेक वर्षांत चोरीच्या घटनांत वाढ होत चालली आहे. दिवसाढवळ्या चोर लोकांच्या घरात घुसून चोरी करत आहेत; तर कधी रेल्वेमध्ये पाकीटमार, फोन चोरण्याच्या चोरांची दहशत वाढू लागली आहे. एवढंच नाही तर चप्पलदेखील चोरायला चोर मागे पुढे पाहत नाहीत. चोरीच्या घटनांचे असे अनेक व्हिडीओ सोशल मीडियावर व्हायरल होत असतात.
सध्या अशीच एक घटना एका ठिकाणी घडली, ज्याचा व्हिडीओ सोशल मीडियावर व्हायरल होतोय. या घटनेत पती-पत्नीने मिळून चपलेची चोरी केली आहे.
हैदराबाद भागातील एका पती-पत्नीच्या जोडीला जवळपासच्या घरांतून डझनभर बुटांची चोरी करताना रंगेहात पकडण्यात आले. शंकर नावाचा हा माणूस नियमितपणे घरांमध्ये आणि मंदिरांमध्ये घुसून चांगल्या दर्जाच्या चपलेची चोरी करायचा आणि उप्पल येथील त्याच्या निवासस्थानी जमा करायचा. नंतर हे जोडपे चोरी केलेल्या चपलेतून पैसे कमवण्यासाठी स्थानिक बाजारपेठेतील रस्त्यावरील विक्रेत्यांना विकायचे.
हेही वाचा… “माझ्या कारचा नंबर घे आणि…”, कारचालकाने दिली धमकी आणि केली शिवीगाळ, पाहा धक्कादायक VIDEO
संशयावरून रहिवाशांनी टाकला छापा
चप्पल नियमितपणे गायब होत असल्यामुळे घरातून कोणीतरी नियमितपणे चोरी करत असल्याचे स्थानिकांना समजले. संशयावरून उप्पल वसाहतीतील रहिवासी शंकरच्या घरी गेले तेव्हा चपलांचे ढीग पाहून ते थक्क झाले. शंकर आणि त्याच्या पत्नीला रंगेहात पकडण्यासाठी त्यांनी ही घटना कॅमेऱ्यात रेकॉर्ड केली.
जोडप्याने चोरीचे बूट स्थानिक बाजारात विकल्याचा अहवाल
या चपला हा पुरुष घरातून आणि मंदिरांतून लुटायचा अशी माहिती समोर आल्यावर पत्नीने तिच्या पतीच्या कामांना पूर्ण पाठिंबा दिला आणि जवळच्या बाजारात वस्तूंची विक्री करण्यात मदत केली असे समजले. रहिवाशांनी शंकरच्या घरात प्रवेश केला तेव्हा त्याची पत्नी चपलांची पोती उघडून जमिनीवर टाकताना दिसली, तेव्हाच ती गुन्ह्यात भागीदार असल्याचे त्यांना समजले.
दरम्यान, सोशल मीडियावर व्हायरल झालेला हा व्हिडीओ @jsuryareddy या एक्स अकाउंटवरून शेअर करण्यात आला आहे. व्हिडीओ व्हायरल होताच अनेकांनी यावर आपल्या प्रतिक्रिया दिल्या आहेत.
