साप चावल्यानंतर वेळीच उपचार न केल्यास एखाद्या व्यक्तीचा मृत्यू होऊ शकतो. दरवर्षी सर्पदंशामुळे हजारो लोकांचे मृत्यू होतात ग्रामीण किंवा जंगली भागात किंवा त्याच्या जवळ राहणार्‍या अनेकांना विषारी साप चावण्याचा जास्त धोका असतो. ग्रामीण भागासह शहरामध्ये अनेकदा साप आढळतात. पावसाळा सुरू झाल्यापासून हेल्मेटमध्ये, गाडीच्या डिक्कीमध्ये, शूजमध्ये साप आढळल्याचे अनेक व्हिडीओ समोर येत आहे त्यामुळे नागरिकांमध्ये चिंतेचे वातावरण आहे. अशात एक नवीन व्हिडिओ समोर आला आहे जो पाहून काळजाचा थरकाप उडत आहे.एका विचित्र घटनेत, एक तरुण जयपूरमधील राजस्थान आरोग्य विज्ञान विद्यापीठाच्या (RUHS) रुग्णालयात दाखल झाला. पण त्या तरुणाला जो साप चावला त्याच सापाला पकडून तो हॉस्पिटलमध्ये घेऊन आल्याचा धक्कादायक प्रकार उघडकीस आला आहे. ही घटना रुग्णालयातील कर्मचार्‍यांनी मोबाईलमध्ये रेकॉर्ड केली आहे आणि आता सोशल मीडियावर व्हायरल होत आहे.
एनडीटीव्हीमधील वृत्तानुसार, त्या तरुणाला साप चावल्यानंतर त्याने सापाला पकडून बॅकमध्ये टाकले अन् थेट रुग्णालयात आणले. जेव्हा तो आपत्कालीन वॉर्डमध्ये पोहोचला तेव्हा त्याने त्याची बॅग उघडली आणि त्यातून साप बाहेर काढले, ज्यामुळे कर्मचारी आणि इतर रुग्णांमध्ये घबराट पसरली.
व्हायरल व्हिडिओमध्ये तो माणूस त्याच्या बॅगमधून साप बाहेर काढताना दिसतो, त्याच्या चेहऱ्यावर हास्य होते. एका पाहणाऱ्याने त्याला साप चावला आहे का असे विचारले असता, त्याने शांतपणे उत्तर दिले, “हो.” तो डॉक्टरांना साप दाखवतो आणि नंतर तो बॅगेत परत ठेवतो. इतर पाहणारे भीतीमुळे लगेचच घटनास्थळापासून दूर राहतात.
अहवालात असे म्हटले आहे की, रुग्णालयाच्या पथकाने त्याला तातडीने उपचारासाठी दाखल केले आणि त्याने सापाला पकडले आणि सुरक्षित ठिकाणी हलवण्यापूर्वी तो सुरक्षित आहे याची खात्री केली. अधिकाऱ्यांनी अद्याप अधिकृतपणे साप कोणत्या प्रजातीचा आहे हेओळखली नाही किंवा साप विषारी आहे की नाही हे निश्चित केलेले नाही.
ऑक्टोबर २०२४ मध्ये बिहारच्या भागलपूर जिल्ह्यातही अशीच एक घटना घडली. मिराचक गावातील एका ४८ वर्षीय व्यक्तीला रसेलच्या सापाने चावा घेतला. त्याने सापाला पकडून रुग्णालयाच्या आपत्कालीन कक्षात नेले.
२०१८ मध्ये, ओडिशातील एका व्यक्तीने चावल्यानंतर एक मृत साप रुग्णालयात आणला. तो विषारी आहे की नाही हे ठरवण्यासाठी त्याने डॉक्टरांना त्याची ओळख पटविण्यास सांगितले. अहवालानुसार, चावल्यानंतर त्याने सापाला मारले होते आणि तो आपत्कालीन कक्षात घेऊन गेला होता.
