Isha Ambani: रिलायन्स इंडस्ट्रीजचे अध्यक्ष मुकेश अंबानी यांनी मुलगी ईशा अंबानी आणि मोठी सून श्लोका मेहता यांच्यासोबत मुंबईत एका कार्यक्रमाला हजेरी लावली आणि त्यांच्यातील संवाद आता सोशल मीडियावर व्हायरल होत आहे.
भारत आणि आशियातील सर्वात श्रीमंत व्यक्ती (फोर्ब्स आणि हुरुनच्या २०२५ च्या यादीनुसार) मुकेश अंबानी यांच्यासोबत ५ एप्रिल रोजी एक्सप्रेस अवॉर्ड्समध्ये त्यांची मुलगी आणि रिलायन्स रिटेलच्या संचालक ईशा अंबानी आणि सून तसंच समाजसेवी असणाऱ्या श्लोका मेहता उपस्थित होती.
५ एप्रिल रोजी महिला उद्योजकता एक्सप्रेस पुरस्कारांमध्ये ईशा अंबानी यांना ‘न्यूजमेकर ऑफ द इयर’ पुरस्काराने सन्मानित करण्यात आले.
इव्हेंटमध्ये मुकेश अंबानी, ईशा अंबानी, श्लोका मेहता एकत्र दिसले
सोशल मीडियावर व्हायरल झालेल्या व्हिडीओमध्ये मुकेश अंबानी त्यांच्या मुलीला आणि सुनेला पुढे चालण्याचा इशारा देताना दिसले. अब्जाधीश असलेल्या मुकेश अंबानी यांनी त्यांचा ट्रेडमार्क पांढरा शर्ट आणि काळी पँट घातली होती. मुंबईतील कार्यक्रमात ईशा अंबानी आणि श्लोका मेहता यांनी पारंपारिक पोशाख परिधान केले होते आणि त्यांच्या फॅशनने सर्वांचे लक्ष वेधून घेतले होते.
या इव्हेंटसाठी ईशा अंबानीने इंडो-वेस्टर्न स्टाईलला प्राधान्य दिलं, ज्यात तिने फिकट हिरव्या रंगाचा स्लिट ड्रेस परिधान केला होता. तिच्या फुल लूकसाठी, तिने एमराल्ड ड्रॉप इअररिंग्ज आणि मॅचिंग पंप हील्स, मिनिमलिस्ट मेकअप केला होता.
तर दुसऱ्या बाजूला श्लोका मेहताने पूर्ण नैतिकतेचा मार्ग अवलंबला, सोनेरी भरतकाम आणि सुशोभित बॉर्डर असलेला काळा ड्रेस तिने परिधान केला होता. सलवार, काळी पँट आणि सोनेरी नक्षीदार दुपट्टा तिने घातला होता. तसंच श्लोका अंबानीने सॉफ्ट ग्लॅम लूक निवडला होता आणि त्याला शोभतील असे डायमंड स्टड इयररिंग्ज घातले होते.
तसंच दुसऱ्या एका व्हायरल व्हिडीओमध्ये मुकेश अंबानी किरण राव यांना भेटताना दिसत आहेत. त्यांच्या नम्रपणाचं सध्या सगळीकडे कौतुक सुरू आहे. इन्स्टाग्रामवर व्हायरल होत असलेल्या व्हिडीओच्या कमेंट्समध्ये अनेकांनी त्यांना ते नम्र आहेत आणि खरे आहेत अशाप्रकारच्या कौतुक करणाऱ्या कमेंट्स केल्या आहेत.
तर या तिसऱ्या व्हिडीओमध्ये श्लोका अंबानीने चक्क तिच्या सासऱ्यांच्या फॅनची इच्छा पूर्ण केली. श्लोकाने फोनमध्ये मुकेश अंबानींच्या चाहत्याचा त्यांच्याबरोबर फोटो काढला.
