VIDEO : कायदे में चलो! पार्किंग चार्जच्या नावाखाली चक्क IPS अधिकाऱ्याची फसवणूक; अटेंडन्ट्सची तुरुंगात रवानगी

नेमकी घटना काय?

सोशल मीडियावर व्हायरल होणारा व्हिडीओ पाहून आता सर्वसामान्य लोक हापूरचे एसपी अभिषेक वर्मा यांचे कौतुक करीत आहेत. समोर आलेल्या माहितीनुसार, उत्तर प्रदेशातील हापूरमधील आयपीएस अधिकारी अभिषेक वर्मा शनिवारी साध्या पेहरावात चालकाबरोबर कार घेऊन गडमुक्तेश्वर येथील ब्रजघाटावर पोहोचले. यावेळी ते गाडी पार्किंग करण्याच्या ठिकाणी पोहोचले. तिथे त्यांना पार्किंगची पावती देण्यात आली. ही पावती त्यांनी नीट पाहिली असता, त्यावर ५३ रुपये लिहिले होते; पण पार्किंग अटेंडन्टने त्यांच्याकडून ६० रुपये घेतले. त्यावर वर्मा यांनी आक्षेप घेतला आणि उरलेले पैसे परत करण्याची मागणी केली. पण, पार्किंग अटेंडन्टने ‘कायदे में चलो’, असे म्हणत त्यांना उरलेले पैसे परत देण्यास नकार दिला. यावेळी त्यांनी प्रायव्हेट कॅमेऱ्या मदतीने सर्व घटना रेकॉर्ड केली. या घटनेचा व्हिडीओ सोशल मीडियावर व्हायरल होत आहे. पण, ही घटना इथेच थांबत नाही.

आणखी वाचा

पिंपरी: रावेतमधील हिट अँड रन प्रकरण; चार दिवसांनी आरोपी अटकेत, ८० सीसीटीव्ही…

Madhurima Raje : सतेज पाटील ज्यांच्यामुळे ढसाढसा रडले…

ई-चलन घोटाळ्यापासून सावध रहा! ट्रॅफिक चलनच्या नावाखाली होतेय फसवणूक, कसे टाळावे?

जेवण बनवण्यावरून वाद; लोखंडी रॉडनी ११ घाव घालून केली हत्या, पिंपरीतील घटना

VIDEO : केस पकडले, कानशीलात लगावल्या; तरुणाची भररस्त्यात मैत्रिणीला मारहाण

पुणे : गुंतवणुकीच्या आमिषाने ज्येष्ठ नागरिकाची दोन कोटींची फसवणूक, वरद प्राॅपर्टीजच्या संचालकांविरुद्ध गुन्हा

पुणे : आभासी चलनात गुंतवणुकीच्या आमिषाने दोन कोटींची फसवणूक, हडपसर पोलिसांकडून सहाजणांविरुद्ध गुन्हा

Video: पाव किलो बटाटे चोरी झाले म्हणून पठ्ठ्याने पोलिसांना घेतलं बोलावून; पोलिसांच्या मजेशीर चौकशीचा व्हिडीओ व्हायरल

आयपीएस अधिकाऱ्याकडून गाडी पार्किंगच्या नावाखाली ५३ रुपयांऐवजी ६० रुपये उकळणाऱ्या पार्किंग अटेंडन्टलाच आता थेट पोलीस कोठडीत पाठविण्यात आले आहे. कोठडीत पोहोचताच आयपीएस अधिकाऱ्याने त्या पार्किंग अटेंडन्टचा एक फोटो आपल्या एक्स अकाउंटवरून पोस्ट केला आहे; ज्यावर त्यांनी लिहिले की, कायदे में रहोगे, तो फायदे में रहोगे.

अशा प्रकारे एका आयपीएस अधिकाऱ्यामुळे पार्किंगच्या नावाखाली सुरू असलेली लूट उघड झाली. त्यामुळे आयपीएस अधिकारी अभिषेक वर्मा यांचे कौतुक केले जात आहे. त्यांच्या या पोस्टवर आता लोकही वेगवेगळ्या कमेंट्स करीत आहेत. अनेकांनी असे आयपीएस अधिकारी असावेत, अशा स्वरूपाच्या कमेंट्स केल्या आहेत. तर, अनेकांनी आरोपीचा ‘सुंदर चेहरा’ न लपवता उघड केला पाहिजे होता, असेही म्हटले आहे.