मेघालयचे (Meghalya) मुख्यमंत्री (Chief Minister) कोनराड संगमा (Conrad Sangma) यांचा इलेक्ट्रिक गिटार वाजवतानाचा व्हिडिओ सध्या सोशल मीडियावर तुफान व्हायरल होत आहे. हा व्हिडिओ स्वत: मुख्यमंत्री संगमा यांनी आपल्या इन्स्टाग्रामवर शेअर केला आहे. व्हिडिओ शेअर करताना त्यांनी लिहलेय की, ‘तीन दिवसाच्या विधानसभा कामकाजानंतर अन् खूप दिवसानंतर गिटार वाजवण्याचा प्रयत्न करत आहे. काही चुका होऊ शकतात.’
ज्यावेळी तुम्ही हा व्हिडिओ पाहाल त्यावेळी तुम्हाला समजेल की मुख्यमंत्री संगमा एक चांगले गिटार वादक आहेत. संगमा यांचा हा व्हिडिओ लोकांना खूप आवडला आहे. मुख्यमंत्र्यांना गिटार वाजवताना पाहून नेटकऱ्यांनी आपल्या भावना व्यक्त केल्या आहेत. एका व्यक्तीने संगमा यांचं कौतुक करताना कमेंटमध्ये लिहलेय की, ‘हे खरंच कौतुकास्पद आहे.’ अन्य दुसऱ्या एका युझर्सने लिहलेय की, खूपच मस्त. अन्य एकाने लिहलेय की, सीएमला या रूपात पाहून चांगले वाटले.
