“ज्यांना मुलं होत नाही त्यांना किंमत विचारा” धावत्या ट्रेनच्या दरवाजात मुलीला उभं केलं अन्…VIDEO पाहून तुम्हीही श्वास रोखून धराल

आई वडिलांचं आणि त्यांच्या लेकरांचं नातं अगदी खास असतं. काळजाच्या तुकड्याप्रमाणे आपल्या लेकरांना जपणारे पालक अनेक संकटांना सामोरे जात असतात. अगदी बाळ जन्माला आल्यापासून ते मूल मोठं होईपर्यंत दोघं आई बाबा आपल्या मुलांना सांभाळतात, त्यांचं रक्षण करतात. लहान-मोठ्या सगळ्या संकटांत ते आपल्या मुलांच्या पाठीशी खंबीरपणे उभी राहतात. एवढंच नाही तर आपल्या लेकराला कुठे खरचटलं तरी त्यांचा जीव वर-खाली होतो. अशाच एका आईनं रिलच्या नादात आपल्या लहान बाळाला मृत्यूच्या दारात पोहोचवलं..याचा थरकाप उडविणारा व्हिडीओ सध्या सोशल मीडियावर व्हायरल होत आहे.

या व्हिडीओमध्ये तुम्ही पाहू शकता, धावत्या मुंबई लोकलच्या दरवाजामध्ये आई बाळाला घेऊन उभी आहे आणि शेजारीच एक लहान मुलगी उभी आहे. लोकलचा वेग इतका जास्त आहे की ही लहान मुलीचा सहज तोल जाऊ शकतो. मात्र असं असूनही आई मात्र व्हिडीओ काढण्यात व्यस्थ होती. यावेळी स्वत:बरोबरच पोटच्या लेकरांचाही जीव या महिलेनं धोक्यात टाकला आहे.

पाहा व्हिडीओ

सोशल मीडियावर हा व्हिडीओ sanket_dange_lifeline नावाच्या एक्स अकाऊंटवरुन शेअर करण्यात आला आहे. व्हिडीओ व्हायरल होताच लोकांनी महिलेवर टीका केली आहे. मुलाच्या आणि स्वतःच्या सुरक्षिततेची खात्री करण्याऐवजी काही सेकंदांच्या लहान रीलला जास्त महत्त्व देणाऱ्या महिलेवर नेटकरी चांगलेच संतापले आहेत. एकानं म्हंटलंय, “ज्यांना मुलं होत नाही त्यांना किंमत विचारा”