Nagpur Video : याला म्हणतात नाद! ढोल ताशा नव्हे तर खोक्यावर धरला ठेका; निरागस चिमुकल्याचा जोश पाहून व्हाल अवाक्

व्हायरल व्हिडिओमध्ये तुम्हाला दिसेल एका मोठ्या मैदानावर काही तरुण मंडळी ढोल ताशाची प्रॅक्टिस करत आहे. या तरुणांमध्ये एक चिमुकला सुद्धा छोटासा खोका घेऊन उभा आहे आणि या तरुणांबरोबर ढोल ताशाची प्रॅक्टिस करत आहे. ढोल ताशाच्या तालावर ठेका धरताना हा चिमुकला दिसतो. या चिमुकल्या मुलाचा नाद पाहून तुम्हीही कोणीही अवाक् होईल. व्हिडिओवर लिहिलेय, ” पॅशन आणि टॅलेंट” हा व्हिडीओ नागपूरच्या कामठी कन्हान येथील आहे.

हेही वाचा : गेंड्याला पाहताच दोन सिंहांना फुटला घाम; जवळ येताच केलं असं की, जंगलातील व्हिडीओ पाहून तुम्हीही म्हणाल, शेवटी राजा कोण?

पाहा व्हायरल व्हिडीओ

vighnaraje__pratishthan या इन्स्टाग्राम अकाउंटवरून हा व्हिडिओ शेअर केला असून या व्हिडीओच्या कॅप्शनमध्ये लिहिलेय, ” जोश” या व्हिडिओवर अनेक युजर्सनी प्रतिक्रिया दिली आहे. एका युजरने लिहिलेय, “त्या बारक्यासाठी पथकाने एक छोटा ढोल ताशा आणला पाहिजे. मस्त वाजवणार तो..” तर दुसऱ्या एका युजरने लिहिलेय, ” भाऊ त्याला ढोल हवा असेल तर मी देतो मला संपर्क करा.” या युजरने मोबाईल क्रमांक सुद्धा दिलेला आहे. आणखी काही युजरने लिहिलेय, “नाद हा असलाच पाहिजे आणि जर तो नाद करायचा असेल तर तो तुम्हाला नक्कीच आयुष्यात पुढे घेऊन जाणार.” यावर विघ्नराजे प्रतिष्ठान तर्फे प्रतिक्रिया आली आहे ते सांगतात, “मुलगा रोज आपल्या घरातल्या आवाजावर प्रॅक्टिस करत होता पण त्याला थोडा संकोच वाटत होता कारण त्याची आर्थिक परिस्थिती चांगली नाही. तरीही त्याने पुढे जाऊन स्वतः बॉक्सवर ढोल वाजवायला सुरुवात केली. त्याचा जोश, टॅलेंट आणि उत्कटतेला पाहून आम्ही त्याला आपल्या पथकात प्रवेश दिला आहे. कृपया कोणत्याही चुकीच्या गोष्टी पसरवू नका आणि चुकीच्या टिप्पण्या करू नका.