viral police singing video: आजच्या सोशल मीडियाच्या युगात, कुणाचंही टॅलेंट काही क्षणात जगभर पोहोचू शकतं. एक व्हिडीओ व्हायरल होताच काही सेकंदात सगळ्यांच्या मनात घर करतो. असाच एक व्हिडीओ सध्या सोशल मीडियावर जबरदस्त व्हायरल होत आहे.
संगीत हे असे एक माध्यम आहे, जे कोणाच्याही मनाला स्पर्श करू शकते. याचाच एक सुंदर नमुना सध्या सोशल मीडियावर पाहायला मिळत आहे. एका पोलिस अधिकाऱ्याने आपल्या आवाजात ‘दीवानियत’ या चित्रपटातील गाणे ‘तेरे दिल पर हक मेरा है…’ गायले असून, त्यांचा हा व्हिडीओ सध्या इंटरनेटवर प्रचंड व्हायरल होत आहे. अधिकाऱ्याचा मधुर आवाज आणि त्याच्या गाण्याची सादर केलेली शैली लोकांच्या मनाला थेट भिडली आहे. अनेक नेटिझन्सनी या व्हिडीओवर वेगवेगळ्या प्रतिक्रिया दिल्या आहे
हा व्हिडीओ ‘दीवानियत’ या रोमँटिक चित्रपटातील लोकप्रिय गाण्यावर आधारित आहे. चित्रपटाच्या प्रदर्शनानंतरसुद्धा या गाण्याची क्रेझ कमी झालेली नाही. अनेकांना हे गाणे मनापासून आवडते आणि आता एका पोलिस अधिकाऱ्याने ते स्वतःच्या आवाजात गायल्याने या गाण्याला नवे रूप मिळाले आहे.
व्हिडीओमध्ये पोलिस अधिकारी रजत राठौर हे आपल्या कारमध्ये बसून हे गाणे गाताना दिसतात. साध्या पोशाखात, शांत चेहऱ्याने आणि भावपूर्ण आवाजात ते गात आहेत. त्यांच्या आवाजातली आत्मियता, शब्दांमधील भावना आणि गाण्याची सादरीकरणशैली यामुळे लोक मंत्रमुग्ध झाले आहेत. रजत राठौर यांनी या व्हिडीओच्या कॅप्शनमध्ये लिहिले आहे, “ज्यांना हे गाणे आवडते, त्यांनी हा व्हिडीओ शेअर करा.”
या व्हिडीओवर चाहत्यांनी आणि नेटिझन्सनी भरभरून प्रतिक्रिया दिल्या. अनेकांनी त्यांचा आवाज “मनाला भिडणारा होता” असल्याचे म्हटले आहे. कुणी म्हणाले, “सर, तुम्हाला सिंगर व्हायला हवे होते,” तर कुणी म्हणाले, “असं गाणं ऐकून तर प्रोफेशनल सिंगर्सलासुद्धा लाज येईल.” काहींनी त्यांच्या इन्स्टाग्राम अकाउंटवर जाऊन त्यांचे इतर परफॉर्मन्सही पाहिले असून त्यांना पुन्हा गायला विनंती केली आहे. लोकांनी या व्हिडीओला जबरदस्त प्रतिसाद दिला असून, काही तासांतच हजारो व्ह्युज आणि शेकडो प्रतिक्रिया आल्या आहेत.
पाहा व्हिडिओ
रजत राठौर हे व्यवसायाने पोलिस अधिकारी असले तरी त्यांना लहानपणापासूनच गाण्याची आवड आहे. त्यांच्या इन्स्टाग्राम अकाउंटवर त्यांनी विविध स्टेज परफॉर्मन्सचे व्हिडीओ शेअर केले आहेत. ‘इंडियन आयडॉल’च्या कार्यक्रमातही त्यांनी सादरीकरण केले आहे. त्यांच्या या नव्या गाण्याच्या व्हिडीओमुळे ते आता सोशल मीडियावर नवे स्टार म्हणून झळकू लागले आहेत.
रजत राठौर यांच्या या गाण्याने दाखवून दिले की, कला कोणत्याही गणवेशाच्या मर्यादा ओलांडते. त्यांच्या या भावपूर्ण सादरीकरणाने लोकांच्या मनात आदर आणि प्रेम दोन्ही जागवले आहेत. सोशल मीडियावर त्यांचा हा व्हिडीओ अजूनही झपाट्याने शेअर होत असून, लोक त्यांच्याकडून पुढील गाण्याची आतुरतेने वाट पाहत आहेत.
