Husband Wife Video: नवरा बायकोचं नातं जगावेगळं असतं. या नात्यात जितकं प्रेम असतं तितकीच काळजी, तितकंच सुखदेखील असतं. आपल्या जोडीदाराच्या मनातलं न सांगता कळणं म्हणजेच प्रेम. या नात्यात सगळंच कसं सहज सोप वाटू लागतं. पण आयुष्यात आपल्या मनासारखा योग्य जोडीदार मिळणं म्हणजे नशीबच समजायचं. आपल्या आवडीच्या माणसाचा क्षणभर सहवास जरी लाभला तरी तो हवाहवासा वाटतो. या नात्यात फक्त प्रेम आणि प्रेमाची अपेक्षा असते आणि दोन्ही बाजूने प्रेम जर समान असेल तर आयुष्याचा प्रवास सुखकर होतो.
प्रत्येक नातं जपायला थोडी अधिकची मेहनत घ्यावीच लागते. लहान-सहान गोष्टीने आपल्या त्या नात्याला फुलवणं गरजेचं असतं. अनेक गोष्टी न सांगताच आपल्या जोडीदाराला कळल्या की समोरच्याला खूप चांगलं वाटतं. पण प्रत्येकालाच हे जमत नाही आणि ज्यांना जमतं त्यांचा संसार नक्कीच सुखाचा होतो. सध्या असाच एक व्हिडीओ सोशल मीडियावर व्हायरल होत आहे, ज्यात नवऱ्याने आपल्या बायकोसाठी जे केलं ते पाहून तुम्हालाही कौतुक वाटेल.
नवरा बायकोचा व्हायरल व्हिडीओ (Husband Wife Viral Video)
नवरा बायकोच्या या व्हायरल व्हिडीओमध्ये नवरा सगळ्यांसमोर बायकोसाठी एक खास कृती करताना दिसत आहेत. बायकोने हिल्स घातल्यामुळे तिचे पाय दुखत असल्याने नवरा खाली बसून तिच्या पायातली हिल्स काढताना दिसतोय. इतकंच नाही तर तो तिच्यासाठी दुसरी चप्पल आधीच घेऊन आल्याचंही या व्हिडीओतून कळतंय. हिल्स काढल्यानंतर नवरा तिच्या पायात दुसरी चप्पल घालतो आणि हे सगळं तो अगदी आवडीने आणि मनापासून करतो असं दिसतंय.
सोशल मीडियावर व्हायरल झालेला हा व्हिडीओ @manatle_status00 या इन्स्टाग्राम अकाउंटवरून शेअर करण्यात आला असून याला तब्बल १ लाखाच्या वर व्ह्यूज आले आहेत. तसंच “चारचौघात मारणारा नाही तर चारचौघात रिस्पेक्ट देणारा भेटलाय” अशी कॅप्शन व्हिडीओला देण्यात आली आहे. दरम्यान, हा व्हिडीओ नेमका कुठला आहे, हे अद्याप कळू शकले नाही.
युजर्सच्या प्रतिक्रिया
सोशल मीडियावर हा व्हिडीओ व्हायरल होताच अनेकांनी यावर आपल्या प्रतिक्रिया दिल्या आहेत. एका युजरने कमेंट करत लिहिलं, “जीव ओवाळून टाका अशा माणसांवर”, तर दुसऱ्याने “खूप भाग्यवान आहेस तू पोरी” अशी कमेंट केली.
