scorecardresearch

Premium

गृहपाठ न करण्यासाठी वापरलेल्या युक्तीमुळे पोलिस थेट पोहोचले घरी; पालकांना बसला धक्का!

अभ्यास न करण्यासाठी मुलाने वापरलेली ही युक्ती आता सोशल मीडियावर चर्चेचा विषय बनली आहे.

schoolboy throws notes for help from window in bid to escape doing homework
गृहपाठ करायचा नाही म्हणून वापरली अशी युक्ती; थेट पोलीस पोहोचले घरी, पालकांना बसला धक्का

गृहपाठ करताना लहान मुलांची खूप चिडचिड होत असते. अशा वेळी ती गृहपाठ न करण्यासाठी बहाणा शोधू लागतात. काही मुलं पालकांनी ओरडल्यानंतर किंवा मारल्यानंतर गृहपाठ पूर्ण करतात. पण, काही मुलं इतकी हट्टी असतात की, ती काही केल्या अभ्यासासाठी तयार होत नाहीत. मग शिक्षकच कंटाळून निघून जातात. ही समस्या सर्वच देशांमधील मुलांमध्ये आढळते. अभ्यास न करण्यासाठी ते वेगवेगळे प्रयत्न करतात. पण, एका लहान मुलानं गृहपाठ न करण्यासाठी अशी युक्ती वापरली की, जी पाहून पालकांनाही धक्का बसला. ही घटना चीन देशामधील आहे.

संबंधित लहान मुलाला रोज गृहपाठ करावासा वाटत नव्हता. अशा परिस्थितीत त्यानं एक अशी पद्धत शोधून काढली की, जी त्याच्या पालकांना धक्का देण्यासाठी पुरेशी होती.

social media harm
तुमची मुले ऑनलाइन जगात सुरक्षित आहेत का? मुलांना ऑनलाइन जगात सुरक्षित ठेवण्यासाठी काय करता येईल? वाचा सविस्तर….
forest department
जखमी वाघाचा शोध, तो ही चक्क “ड्रोन”ने…
Commissioner Dr Indurani Jakhar and police officers during a discussion on traffic congestion free welfare Dombivli cities meeting
कल्याण-डोंबिवली शहरे वाहन कोंडी मुक्त करण्यासाठी प्रभावी उपाय करा; आयुक्त डाॅ. इंदुराणी जाखड यांच्या वाहतूक पोलिसांना सूचना
belapur parking marathi news, belapur parking facility marathi
नवी मुंबई : बहुमजली वाहनतळ लवकरच कार्यान्वित होणार, वाशीतही वाहनतळ निर्माण करण्याचे नियोजन

घराच्या खिडकीतून पाठवायचा ‘हेल्प मी’ नोट्स

‘साऊथ चायना मॉर्निंग पोस्ट’च्या रिपोर्टनुसार संबंधित लहान मुलगा पूर्व चीनच्या झेजियांग प्रांतातील रहिवासी आहे. गृहपाठ करताना तो घराच्या खिडकीतून ‘हेल्प मी’ नोट्स फेकत होता. प्रथम ही चिठ्ठी एका शेजाऱ्याला सापडली, जेव्हा त्यानं ही चिठ्ठी वाचली तेव्हा त्याला तशीच दुसरी एक चिठ्ठी सापडली आणि त्याची खात्री झाली की, कोणाला तरी मदतीची गरज आहे. शेजाऱ्यानं लगेच पोलिसांना बोलावलं. कारण- त्याला खिडकीतून कोणाच्या तरी रडण्याचा आवाज आला.

यावेळी शेजारच्यांना काहीतरी अनुचित प्रकार घडत असल्याचं जाणवलं. त्यामुळे त्यांनी तातडीनं पोलिसांना बोलावलं. इमर्जन्सी कॉलची माहिती मिळताच पोलिसही तातडीनं मुलापर्यंत पोहोचले. पोलिसांना पाहून मुलाचे कुटुंबीय स्तब्ध झाले. यावेळी पोलिसांनी मदतीसाठी फेकलेल्या नोटसबाबत मुलाकडे विचारणा केली, तेव्हा तो त्या लहान मुलानं अभ्यास न करण्यासाठी केलेला प्लॅन होता हे पोलिसांना समजलं. त्यावर पोलिस म्हणाले की, ही सेवा आपत्कालीन परिस्थितीसाठी आहे आणि जर त्याचा गैरवापर झाला, तर कधीच कुणाला योग्य वेळी मदत मिळणार नाही. चीनमधील स्पर्धात्मक शिक्षणामुळे मुलं अनेकदा गृहपाठ करण्यास घाबरतात. एका मुलानं नुकतीच गृहपाठावरून पोलिस ठाण्यात जाऊन आईची तक्रार केली होती.

Latest Comment
View All Comments
Post Comment

मराठीतील सर्व ट्रेंडिंग बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Schoolboy throws notes for help from window in bid to escape doing homework sjr

First published on: 12-09-2023 at 11:53 IST

संबंधित बातम्या

तुम्ही या बातम्या वाचल्या आहेत का? ×