Farmer Truck Accident Video : जगण्‍याचा वेग वाढलाय. येथे थांबायला कोणाचा वेळ नाही. सार्‍यानांचा कमालीचे घाई झाली आहे. प्रत्‍येक रस्‍त्‍यावरील हे चित्र आता आपल्‍या अंगवळणी पडलंय;पण एखादा अपघात झाला असेल तर किमान थांबणे अपघातग्रस्‍ताला उपचार करणे एवढी तसदीही कोणी घेताना दिसत नसल्‍याचेही आपल्‍याला कानावर येते. आजच्या काळात माणूसकी पूर्णपणे नाहीशी झाल्याच्या घटना आजूबाजूला पाहायला मिळतात. हल्ली लोक इतरांच्या समस्यांकडे दुर्लक्ष करतात पण त्यात संधी मिळाली तर फक्त स्वत:चा फायदा बघत राहतात. सध्या अशाच एका घटनेचा व्हिडीओ व्हायरल होत आहे. रस्त्यावर रात्रीच्या वेळी अनेक अपघात होतात. या अपघातावेळी काहीजण मदत करण्याऐवजी चालकाचे पैसे, दागिने किंवा त्याच्या गाडीतील वस्तू चोरी करत पसार होतात. सध्या असाच एक व्हिडीओ समोर आला आहे. हा व्हिडीओ पाहून तुम्हालाही धक्का बसेल की लोकं असं कशी वागू शकतात.
या व्हिडीओमध्ये तुम्ही पाहू शकता, ट्रकचा भीषण असा अपघात झाला असून ट्रक ड्रायव्हर गंभीर जखमी झाला आहे. यावेळी तो वेदनंन विव्हळतोय मात्र जमलेले लोक त्याला मदत करण्याएवजी त्याचा मोबाईल आणि पैस चोरताना दिसत आहे. हा जखमी ड्रायव्हर मदतीसाठी विनवण्याही करताना दिसत आहे मात्र कुणीही त्याच्या मदतीला आलं नाही. अशा प्रकारे माणुसकीची हत्या या व्हिडीओमध्ये पाहायला मिळत आहे. हा व्हिडीओ पाहून तुम्हालाही संताप येईल. हा सगळा प्रकार पाहून माणसात आता माणुसकी शिल्लक राहिली की नाही असा प्रश्न उपस्थित होतो.
भारत हा कृषिप्रधान देश आहे. येथील सत्तर टक्के जनता गावगाड्याशी म्हणजे कृषीशी संबंधित आहे. असं असलं तरी देशाचा बहुसंख्य भाग अजूनही उपेक्षित आहे. या देशाचा राजा म्हणविणारा शेतकरी सतत नाकारला जातो. त्याच्या समस्यांकडे बऱ्याचदा दुर्लक्ष होतं. मालाला भाव मिळत नाही भाव असला तर नैसर्गिक आपत्तीनं वर्षभराची मेहनत क्षणात वाया जाते.अशा वेगवेगळ्या अडचणी शेतकऱ्याच्या वाट्याला येत असतात. अशाच एका शेतकऱ्याच्या मालाचा ट्रक भर रस्त्यातच पलटी होतो आणि त्याचा सर्व भाजीपाला रस्त्यावर पडतो. यावेळी मेलेल्याच्या टाळूवरचं लोणी खाणारे लोक त्याठिकाणी या भाज्या चोरून नेत आहेत. या व्हिडीओमध्ये तुम्ही पाहू शकता, अपघातानंतर रस्त्यावर सर्वत्र भाजा पडलेल्या दिसत आहेत, यावेळी एक कार तिथे थांबते कारमधून एक तरुण खाली उतरतो आणि रस्त्यावर पडलेल्या गोण्या कारमध्ये भरून घेऊन जातो. हा प्रकार जेव्हा शेतकऱ्याच्या नजरेत येतो तेव्हा तो मागे पळत जातो मात्र तोपर्यंत ते निघून जातात.
पाहा व्हिडीओ
हा व्हिडिओ सोशल मीडियावर funny_raada नावाच्या इन्स्टाग्राम अकाऊंटवरुन शेअर करण्यात आला आहे, ज्यावर लोक आपली प्रतिक्रिया देत आहेत. काहींनी लोकांच्या वागण्यावर तीव्र संताप व्यक्त केला आहे. तर अनेकांनी हे फारच वाईट असल्याचे म्हटले आहे.
