स्वयंपाक करताना बॉम्बसारखा झाला कुकरचा स्फोट, थरकाप उडवणारी घटना CCTV मध्ये कैद

व्हायरल होत असलेल्या या व्हिडिओमध्ये एक महिला किचनमध्ये स्वयंपाक करताना दिसत आहे. यावेळी तिथेच एक लहान एक मूल खेळत असल्याचंही दिसत आहे. शिवाय घरातील अन्य सदस्य इकडे-तिकडे करत असताना अचानक मोठा स्फोट होतो आणि सगळ्यांनाच धक्का बसतो. सध्या या भयानक घटनेचा सीसीटीव्ही मोठ्या प्रमाणात व्हायरल होत आहे.

हेही पाहा- VIDEO : चक्क प्रियकरावरील राग काढण्यासाठी दिली ऑर्डर, ऑनलाइन डिलिव्हरीचा विचित्र वापर पाहून डोकेच धराल

या भयंकर घटनेचा व्हिडीओ एक्स (ट्विटर) वर @Gagan4344 नावाच्या अकाऊंटवरुन शेअर करण्यात आला आहे. जो आतापर्यंत ३४ हजारांहून अधिक लोकांनी पाहिला आहे. तर अनेकजण यावर वेगवेगळ्या प्रतिक्रिया देत आहेत. सुदैवाची बाब म्हणजे या भयंकर स्फोटात घरातील कोणत्याही सदस्याला दुखापत झालेली नाही. परंतु, हा व्हिडीओ पाहिल्यानंतर जेवण बनवताना योग्य ती काळजी घेतली नाही तर किती मोठ्या संकटाचा सामना करावा लागू शकतो हे पाहायला मिळत आहेत.

नेटकऱ्यांच्या प्रतिक्रिया –

व्हायरल व्हिडिओवर नेटकरी वेगवेगळ्या प्रतिक्रिया देत आहेत. एका यूजरने लिहिलं, “खूप भयानक व्हिडिओ आहे” तर दुसऱ्याने लिहिलं, “आता कुकरचीही भीती वाटायला लागली आहे.” तिसऱ्या एकाने लिहिलं, “गीझरचा स्फोट, सिलेंडरचा स्फोट आणि आता कुकरचा स्फोट.. घरगुती उपकरण सुरक्षित आहेत का नाही?”