Video : “देव कुठेही भेटतो फक्त मनात…” मंदिरात जाऊ शकली नाही म्हणून ताईने केली थेट बाल्कनीत उभी राहून आरती

असं म्हणतात देव हा कुठेही भेटतो फक्त मनात श्रद्धा व भाव असावा लागतो. या व्हायरल व्हिडीओमध्ये तुम्हाला हेच दिसेल. एक ताई निरागसपणे तिच्या बाल्कनीत हातात आरतीचे ताट घेऊन उभी आहे. व्हिडीओत तुम्हाला दिसेल की तिच्या इमारतीपासून अतिशय दूरवर एक मंदिर आहे आणि या मंदिरात आरती सुरू आहे. या मंदिरात ही ताई जाऊ शकली नाही त्यामुळे ती बाल्कनीत उभी राहून आरती करताना दिसते. दुसऱ्या इमारतीतील कुणीतरी लपून तिचा हा व्हिडीओ शूट केला आहे. ताईची श्रद्धा व भाव पाहून नेटकरी थक्क झाले. त्यांनी तिच्यावर कौतुकाचा वर्षाव केला आहेत.

पाहा व्हायरल व्हिडीओ

hinjawadi_official या इन्स्टाग्राम अकाउंटवरून हा व्हिडीओ शेअर केला असून या व्हिडीओच्या कॅप्शनमध्ये लिहिलेय, “ताईचा आरतीचा जोश पाहून वाटलं – ZOOM मीटिंगमध्ये देव बसलाय आणि ही प्रेझेंटेशन देतेय!” या व्हिडीओवर अनेक युजर्सनी प्रतिक्रिया दिल्या आहेत. एका युजरने लिहिलेय, “देवापर्यंत तिचे भाव पोहचले” तर एका युजरने लिहिलेय, “काही का असेना…तिची श्रद्धा आहे तर ती आरती देवापर्यंत पोहचेलच…” आणखी एका युजरने लिहिलेय, “तिच्या आस्था किती निर्मळ आणि प्रामाणिक आहे हे कळतंय…देव त्या ताईच्या सगळ्या इच्छा पूर्ण करो…..” एक युजर लिहितो, “जिथे भाव, भक्ती, आणी श्रद्धा असते, त्याला देव कुठेही भेटतो..” तर एक युजर लिहितो, “आता पर्यंत पाहिलेला सर्वात सुंदर व्हिडीओ जिथे भाव तिथे देव. जय श्री कृष्ण”