Shocking Video: सोशल मीडियावर गेल्या काही दिवसांत एक धक्कादायक व्हिडिओ जोरदार व्हायरल होत आहे. या व्हिडीओमध्ये एक तरुणी दुचाकीवर अतिशय धोकादायक स्टंट करताना दिसत आहे. अनेकांनी तो व्हिडीओ पाहून आश्चर्य व्यक्त केले; तर काहींनी संतापही व्यक्त केला आहे. पाहणाऱ्यांच्या मते, अशा प्रकारचे स्टंट केवळ स्वतःच्या जीवाशी खेळ नसून, त्यांच्या त्या अतिसाहसी कृत्यांमुळे रस्त्यावरून जाणाऱ्या इतर लोकांच्या जीवालाही गंभीर धोका पोहोचू शकतो.
हा व्हिडीओ इन्स्टाग्रामवर robynstunts नावाच्या अकाउंटवरून शेअर करण्यात आला आहे. त्यात दिसते की, एक तरुणी महामार्गावर अतिवेगाने दुचाकी चालवत असून, त्यादरम्यान ती स्टंटही करते. कधी ती गाडी एका चाकावर पळवते; तर कधी सरळ उभी राहून संतुलन साधण्याचा प्रयत्न करते. दुचाकीवरील तिचा तो जीवघेणा खेळ पाहून अनेक प्रेक्षक चकित झाले आहेत; तर काहींनी मात्र याला सरळ मूर्खपणा आहे, असे म्हटले.
व्हिडीओ व्हायरल झाल्यापासून तो प्रचंड वेगाने व्हायरल झाला आहे. लाखो लोकांनी तो पाहिला असून, आतापर्यंत १२ लाखांहून अधिक युजर्सनी व्हिडीओला लाईक केले आहे. त्यावर नेटिझन्सनी विविध प्रतिक्रिया नोंदवल्या आहेत. एका युजरने लिहिले, “असे करून नेमके काय सिद्ध करायचे आहे? आयुष्य धोक्यात घालून मजा घेण्याची खरंच गरज आहे का?” तर दुसऱ्याने म्हटले, “अशा स्टंटकडे पाहून इतर तरुण प्रेरित होतील आणि नंतर गंभीर अपघात घडतील.”
दरम्यान, वाहतूक पोलिसांकडून अशा स्टंटबाबत वारंवार जनजागृती केली जाते. सार्वजनिक रस्त्यावर अशा प्रकारचे स्टंट करणे हा वाहतूक नियमांचा भंग असून, यावर कायद्यानुसार दंड आकारला जाऊ शकतो. पोलिसांचा सल्ला असा की, जर कुणाला खरंच स्टंट करण्याची आवड असेल, तर त्यासाठी योग्य प्रशिक्षण घेऊन सुरक्षित ठिकाणीच त्यासंबंधीचे प्रयोग करावेत.
पाहा व्हिडिओ
या घटनेवरून स्पष्ट होते की, इंटरनेटवरील प्रसिद्धीच्या हव्यासापोटी तरुणाईने केलेले असे धोकादायक प्रयोग केवळ व्ह्युज आणि लाईक्स मिळवून देतात; पण कधी कधी त्यांची किंमत जीव गमावून चुकवावी लागू शकते. त्यामुळे रोमांच आणि धोक्याचा फरक समजून घेणे हेच खरे शहाणपणाचे आहे.
