Viral Video: डान्स, संगीत, अभिनय यांसारख्या कला क्षेत्रात आपलं नाव मोठं करण्यासाठी खूप मेहनत घ्यावी लागते. सोशल मीडियावर लाखो युजर्स अशा विविध कला सादर करीत असतात; ज्यातील काही मोजकेच लोक लोकप्रिय होतात. या कला सादर करणाऱ्यांमध्ये अगदी लहानांपासून वृद्धापर्यंत प्रत्येक वयोगटातील लोकांचा समावेश असतो. सध्या सोशल मीडियावर जबरदस्त डान्समुळे सतत चर्चेत असलेल्या चिमुकलीचा एक नवा व्हिडीओ व्हायरल होत आहे; ज्यामध्ये ती खूप भन्नाट डान्स करताना दिसतेय.
लहान मुलांचे अनेक व्हिडीओ सतत सोशल मीडियावर व्हायरल होत असतात. हल्लीची ही मुलं सोशल मीडियावरील बदलत्या ट्रेंडनुसार वागताना, बोलताना दिसतात. सोशल मीडियाप्रति मुलांमध्ये खूप उत्सुकता आणि आकर्षण आहे. सध्या सुंदर डान्स करणाऱ्या चिमुकलीचा एक डान्स व्हिडीओ तुफान व्हायरल होतोय; जो पाहून नेटकरी तिच्या डान्सचे कौतुक करताना दिसत आहेत. या व्हिडीओतील चिमुकली ‘मैं तो सज गई रे सजना के लिए’ गाण्यावर डान्स करताना दिसत आहे.
या व्हायरल व्हिडीओमध्ये तुम्ही पाहू शकता की, एक चिमुकली ‘मैं तो सज गई रे सजना के लिए’ या गाण्यावर जबरदस्त डान्स करताना दिसतेय. यावेळी तिच्या चेहऱ्यावरचे एक्स्प्रेशन्स खूप सुंदर असून, डान्स स्टेप्स अनेकांचे लक्ष वेधून घेत आहेत. चिमुकलीचा हा सुंदर डान्स व्हिडीओ सध्या सोशल मीडियावर तुफान व्हायरल झाल्याचे पाहायला मिळत आहे.
हेही वाचा: ‘अरे, तो बाप आहे ना तुझा…’ वृद्ध वडिलांच्या मागे फोडला फटाका; VIDEO पाहून नेटकरी संतापले
पाहा व्हिडीओ:
हा व्हायरल व्हिडीओ इन्स्टाग्रामवरील @barkat.arora या अकाउंटवर शेअर करण्यात आला असून, त्यावर आतापर्यंत जवळपास दोन मिलियनहून अधिक व्ह्यूज आणि नव्वद हजारांहून अधिक लाइक्स मिळाल्या आहेत. तसेच अनेक युजर्स यावर कमेंट्स करताना दिसत आहेत. त्यातील एका युजरने कमेंटमध्ये लिहिलेय, “याला बोलतात डान्स.” दुसऱ्या युजरने लिहिलेय, “तुझ्यासमोर सगळेच फिके.” तर तिसऱ्याने लिहिलेय, “काय एक्स्प्रेशन्स आहेत बाळा तुझे.” आणखी अनेक युजर्स चिमुकलीचे कौतुक करताना दिसत आहेत.
