‘परिस्थिती कष्ट करायला भाग पाडते…’ यात्रेतील पाळण्यात चिमुकला करतोय जीवघेणा स्टंट; VIDEO पाहून अंगावर येईल काटा

बालपणीचे दिवस हे प्रत्येक व्यक्तीच्या आयुष्यातील अनमोल क्षण असतात. या दिवसांमध्ये मुले खेळतात, बागडतात. एकंदरीत आयुष्यातील सर्वांत सुंदर काळ मुले जगतात. सोशल मीडियावरही लहान मुलांचे अनेक सुंदर व्हिडीओ व्हायरल होत असतात; ज्यात काही मुलं कधी एखादं गाणं गाताना, डान्स करताना किंवा एखादी कला सादर करताना दिसतात. पण, आता सोशल मीडियावर व्हायरल होत असलेल्या एका व्हिडीओमध्ये एक लहान मुलगा यात्रेतील पाळण्यावर जीवघेणा स्टंट करताना दिसतोय.

या व्हायरल व्हिडीओमध्ये तुम्ही पाहू शकता की, एक चिमुकला यात्रेतील पाळण्यामध्ये चढून त्यावर स्टंट करताना दिसतोय. चिमुकल्याचे हे जीवघेणे स्टंट पाहून आजूबाजूला असलेले लोक त्याच्याकडे आश्चर्याने पाहताना दिसत आहेत. यावेळी तो पाळण्यावर चढतो आणि त्यानंतर वर चढून, गोल फिरून पुन्हा खाली उडी मारतो. हा व्हिडीओ पाहून तुमच्याही अंगावर काटा येईल.

हा व्हिडीओ इन्स्टाग्रामवरील @rahmanbhai786r या अकाउंटवरून शेअर करण्यात आला आहे. त्यावर आतापर्यंत दोन दशलक्षांहून अधिक व्ह्युज आणि दीड लाखाहून अधिक लाइक्स मिळाल्या आहेत. तसेच त्यावर अनेक युजर्स कमेंट्स करताना दिसत आहेत.

हेही वाचा: ‘शेतकऱ्याच्या लेकराचं नितळ प्रेम…’ गोठ्यातील गाईबरोबर चिमुकल्यानं काय केलं ते पाहाच; VIDEO व्हायरल

पाहा व्हिडीओ:

युजर्सच्या कमेंट्स चर्चेत

या व्हिडीओवर कमेंट्स करीत एका युजरनं लिहिलंय, “हा बहुतेक पाळणावाल्याचा मुलगा आहे.” दुसऱ्या युजरनं लिहिलंय, “कशासाठी अशा प्रकारचे स्टंट करून जीव धोक्यात घालायचा.” आणखी एकानं लिहिलंय, “माणसाची परिस्थिती त्याला असं करण्यास भाग पाडते.” आणखी एकानं लिहिलंय, “गरीब परिस्थिती माणसाला हतबल बनवते.”