‘आरारारा खतरनाक…’ चाळीतल्या महिलांचा झापुक झुपूक गाण्यावर जबरदस्त डान्स; VIDEO पाहून नेटकरी करतायत कौतुक

महिलांच्या आयुष्यातील बराच वेळ त्यांचं कुटुंब, मुलं, नोकरी या सगळ्या गोष्टींमध्ये जातो. अनेकदा यापलीकडे जाऊन त्यांना त्यांचा स्वतःचा वेळ फार कमी मिळतो. पण, त्यातूनही काही हौशी महिला एखाद्या कार्यक्रमात डान्स करून आपली आवड पूर्ण करतात. या व्हायरल व्हिडीओमध्ये अशाच काही महिला आहेत, ज्या झापुकझुपूक गाण्यावर डान्स करताना दिसत आहेत.

या व्हिडीओमध्ये तुम्ही पाहू शकता, एका चाळीतील काही महिला एकत्र येऊन ‘झापुक झुपूक’ या गाण्यावर डान्स करताना दिसत आहेत. यावेळी त्यांनी साड्यादेखील एकाच पॅटर्नमधील नेसलेल्या दिसत आहेत. महिलांचा हा डान्स सोशल मीडियावर खूप व्हायरल होत आहे.

हा व्हिडीओ X (ट्विटर) वरील @mansi.gawande.73 या अकाउंटवर शेअर करण्यात आला असून या व्हिडीओला आतापर्यंत सात मिलियनहून अधिक व्ह्युज मिळाल्या असून यावर दोन लाखांहून अधिक लाइक्स मिळाल्या आहेत. तसेच या व्हिडीओवर अनेक युजर्स कमेंट्स करतानादेखील दिसत आहेत.

हेही वाचा: ‘तिघांच्या तावडीतून तो सटकला…’, तीन चित्त्यांचा कोल्ह्यावर हल्ला; थरारक VIDEO पाहून व्हाल शॉक

पाहा व्हिडीओ:

एका युजरने कमेंटमध्ये लिहिलंय की, “आयुष्य कसंही असलं तरी माणसाने मनसोक्त जगावं”, तर दुसऱ्या युजरने लिहिलंय की, “मित्र मंडळाचं नाव मजेशीर आहे”, तर तिसऱ्या युजरने लिहिलंय की, “व्वा काकू मस्त डान्स.”