Viral Video: भारतात देसी जुगाड करणाऱ्या व्यक्तींची कमी नाही. अशा लोकांच्या देशी जुगाडचे हटके व्हिडीओ समाजमाध्यमांवर अनेकदा व्हायरल होत असतात. त्यात कधी कोण गाडीमध्ये एसी लावताना दिसतो; तर कधी कोण जुन्या कपड्यांचा हटके पद्धतीने वापर करताना दिसतो. अशा मजेशीर व्हिडीओला लोक मोठ्या प्रमाणात पसंतीदेखील देताना दिसतात. आता अशाच आणखी एका देसी जुगाडचा व्हिडीओ समोर आला आहे; ज्यात तो असे काहीतरी करतोय, जे पाहून तुम्हालाही हसू येईल. समाजमाध्यमांवर फॉलोअर्स वाढवून प्रसिद्धी मिळविण्यासाठी लोक कधी काय करतील हे सांगता येत नाही. त्यासाठी अनेकदा विचित्र व्हिडीओदेखील ते तयार करत असतात. पण, बऱ्याचदा अशा व्हिडीओंमुळे अनेकांचे मनोरंजन होते. एका हुशार व्यक्तीने असाच एक अनोखा देसी जुगाड केला आहे; जो पाहून तुम्ही कपाळावर हात मारून घ्याल. हा व्हायरल व्हिडीओ इन्स्टाग्रामवरील @deepakjaiswal9902 या अकाउंटवरून पोस्ट करण्यात आला आहे. या व्हिडीओमध्ये तुम्ही पाहू शकता की, एका गृहस्थाने त्याच्या स्वयंपाकघरात शर्ट इस्त्री करण्यासाठी ठेवला आहे. पण, शर्ट इस्त्री करण्यासाठी तो कोणत्याही इस्त्रीचा वापर न करता, चक्क गॅसवर ठेवलेल्या कुकरचा वापर करतो. त्याचा हा देसी जुगाड पाहून अनेक जण आश्चर्यचकित झाले आहे. शिवाय अनेक जण त्याच्या व्हिडीओवर मजेशीर कमेंट्स करतानाही दिसत आहेत. हेही वाचा: किती मोठं धाडस! सोशल मीडियावर फेमस होण्यासाठी अ‍ॅनाकोंडासोबत केलं शूट; अन् पुढे घडलं असं काही… थरारक VIDEO पाहून अंगावर येईल काटा पाहा व्हिडीओ: या व्हायरल व्हिडीओला आतापर्यंत ६.६ मिलियनहून अधिक व्ह्युज मिळाल्या असून, ७० हजारहून अधिक लाइक्सदेखील मिळाल्या आहेत. त्यावर एका युजरने कमेंटमध्ये लिहिलेय, "गॅस तर बंद कर भावा." तर, दुसऱ्याने लिहिलेय, "चांगली आयडिया आहे हीपण." तिसऱ्या एका व्यक्तीने लिहिलेय, "हे टॅलेंट भारताबाहेर जाऊ देऊ नका." तर, आणखी एका व्यक्तीने लिहिलेय, "व्हिडीओ बनविण्यासाठी लोक काय काय करतात." दरम्यान, याआधीदेखील असेच देसी जुगाडचे अनेक व्हिडीओ व्हायरल झाले होते. त्यापैकी एकामध्ये एका व्यक्तीने म्हशीला उन्हाळ्याचा त्रास होऊ नये म्हणून चक्क गोठ्यात एसी लावला होता. तर, आणखी एकाने उन्हाळ्यात रिक्षा तापते म्हणून रिक्षाच्या छताला गोणीने पूर्णपणे झाकले होते.
